Zotimi i komunitetit të biznesit të Hanit të Elezit se deri në fundë të viti do të ndërtojnë edhe një shtëpi, sot edhe u jetësua.
Në prani të anëtarë të këtij komuniteti të biznesit, donatorë të vullnetit të mirë e banorë të fshatit Seqishtë shokë e miq iu dorëzuan çelsat e shtëpisë Hajriz Kalisit.
Në fjalën e rastit z.Akif Shkreta tha se askush prej jush nuk e ka besimin e plotë, derisa të dojë për vëllanë e tij, atë që do për vete.
Po e fillojmë këtë takim vëllazëror me këtë thënie fetare dhe kjo vepër e sotme i përgjigjet më së miri kësaj fjale, me shpresën dhe dëshirën më të madhe që të gjithë vëllezërit tonë të jetojnë ashtu siç dëshirojmë të jetojmë për veten dhe familjet tona.
Aksioni humanitar për ndërtimin e shtëpisë së Hajriz Kalisit ka filluar në muajin gusht dhe sot këtë aksion po e përmbyllim me sukses, pikërisht me 28 nëntor ditë e rëndësishme për shqiptarët dhe ngushëlluese për Hanin e Elezit kemi katër vjetorin e ndarjes nga jeta të humanistit dhe atdhetarit Miqail Krasniqi, i cili në organizime të tilla gjithmonë ishte mbështetës dhe bashkorganizator e kontributdhënës, i qoftë i lehtë dheu i Kosovës. Të nderuar të pranishëm me angazhimin tonë siguruam bashkërisht që një familje 5 anëtarëshe me kushte të vështira ti sigurojmë kulmin mbi kokë që ishte shumë i nevojshëm dhe domosdoshëm.
Të dashur të pranishëm duke u drejtuar juve si kreator të ndërtimit të kësaj shtëpie më lejoni tu falënderoj për kontributin dhe mbështetjen tuaj në forma të ndryshme prej fillimit deri sot, një falënderim i veçantë për mërgimtarët tanë.
Ndërsa Kryetari i Komunës Rufki Suma tha se në përurimin e shtëpisë së Adem Kalisit të gjith ishim zotuar se do të ndihmojmë edhe këtë familje që ti gëzohet shtëpisë së re.
Sot në këtë datë të lavdishme kur festojmë 28 Nëntorin Ditën e Flamurit po gëzojmë familjen e Hajriz Kalisit me këtë shtëpi si vepër e komunitetit të Bisnesit dhe shumë individëve të vullnetit të mirë.
Sot në këtë moment të gjitha fjalët janë të tepërta, por dëshirojë në emër të komunës së Hanit të Elezit të falënderoj të gjithë ata që kontribuan për këtë aksion,Zoti i shpërbeftë tha z.Suma
Në emër të Komunitetit të Biznesit dhe të gjithë donatorëve z.Hebib Dernjani i dhuroi çelsat e shtëpisë Hajriz Kalisi.
