Mbahet Turneu Ndërkombëtar i Mundjes “Pavarësia” , i organizuar nga Federata e Mundjes së Kosovës dhe Klubi i Mundjes “Sharri” nga Hani i Elezit.
Ky turne u realizua në SHFMU “Kështjella e Diturisë” në Paldenicë dhe morën pjesë 60 mundës e mundëse nga Kosova, Shqipëria, Maqedonia e Veriut, Turqia dhe Bullgaria.
Në këtë turne, u shpallën:
-Jon Ramadani, mundësi më i mirë i Turneut të -XII- Ndërkombëtar “Pavarësia”;
-Ege Zafer nga Turqia, mundësi më i mirë nga jashtë;
-Lonisa Reka, mundësja më e mirë e turneut;
-Sadije Dura nga Maqedonia e Veriut, mundësja më e mirë nga jashtë.
Përgëzime për Federatën e Mundjes së Kosovës dhe Klubin e Mundjes “Sharri” për organizimin madhështor që realizuan për nder të 16 vjetorit të Pavarësisë së Kosovës.
