Hani i Elezit 23.11.2011
Kuvendi i komunës së Hanit të Elezit mbajti sot mbledhjen e njëmbdhjetë të rregullt për vitin 2011.
Në agjendën e takimit të sotëm këshilltarët kishin këtë rendë pune;
1.Miratimi i procesverbalit nga mbledhja e kaluar
2.Shqyrtimi i draft rregullores për ndarjen e bursave për studentë.
3.Shqyrtimi i propozim vendimit për plotësimin dhe ndryshim të rregullores për transport rrugorë
4.Shqyrtimi i draft rregullores për qasje në dokumente publike.
5.Shqyrtimi i draft rregullores për kompenzimin e udhëtimeve zyrtare dhe pagesen e mëditjeve.
6.Shqyrtimin e planit lokal për menaxhimin e mbeturinave.
7. Të ndryshme.
Këshilltarët e kuvendit komunal njëzëri miratuan rendin e ditës dhe procesverbalin nga mbledhja e kaluar pas së cilave morrën në shqyrtim pikat e rendit të ditës.
Regullorja për ndarjen e bursave për studentë ishte për herë të parë në lexim para këshilltarëve ,që dha edhe mundësin për propozime dhe plotësime.Këshilltarët votuan që kjo rregullore të përcillet për diskutim publik .
Me disa rekomandime këshilltarët e kuvendit të komunës miratuan edhe Propozim vendimin për plotësimin dhe ndryshimin e rregullores për transport rrugorë,Rregulloren për qasje në dokumente publike si dhe Rregulloren për kompensimin e udhëtimeve zyrtare dhe pagesën e mëditjeve.
Prezentimi i Shqyrtimit të Planit Lokal për Menaxhimin e Mbeturinave ishte pika e rendit të ditës që u diskutua më shumë nga këshilltarët.
Në prezentimin e këtij dokumenti para këshilltarëve ,Drejtori i Shërbimeve Publike Rufat Shkreta tha se ,ky dokument paraqet një angazhimin disa mujorë të stafit të komunës së Hanit të Elezit dhe me përkrahjen e expertëve bashkëpuntorë të LOGOS-it që çështjen e trajtimit të mbeturinave ta vendosim në projektplan afatgjatë duke studiuar të gjitha specifikat aktuale të komunës sonë por duke pasur parasysh edhe projeksionet e zhvillimit të ardhshem të komunë.
Me këtë dokument jemi munduar që të prezentojmë një vizion se si do të mundemi ti qasemi problematikës së menaxhimit të mbeturinave ,duke u nisur si nga gjendja aktuale në komunën tonë por edhe duke projektuar mbrenda saj edhe përvojat e mira të shteteve të cilat tashmë i kanë fituar në këtë fushë .
Këshilltarët e kuvendit komunal kishin mundësin që këtë plan ta vlerësojnë ,duke dhënë edhe kontributin e tyre në plotësimin e këtij dokumenti.Këshilltarët me shumicë votash vendosën që ky dokument të ju prezentohet edhe qytetarëve në debat publik në mënyrë që të mirret edhe mendimi i tyre .
Zyra për Informim
