Kuvendi i komunës së Hanit të Elezit mbajti mbledhjen e gjashtë të rregullt për vitin 2012.
Këshilltarë për rendë të ditës kishin :
1.Miratimi i procesverbalit nga mbledhja e kaluar.
2.Shqyrtimi i plotësimit të Rregullores për tatimin në pronën e paluajtshme.
3.Miratimi i propozimi vendimit për përcaktimin e taksave për shitjen e mbeturinave drurore.
4.Miratimi i propozim vendimit për nismën e bashkëpunimit ndërkufitarë.
5.Shqyrtimi i kërkesës së,,Sharr-cem “sh.p.k për hulumtim të gurit gëlqerorë.
6.Shqyrtimi i kërkesës së MMPH-së për dhënien e pëlqimit për deponimin e mbeturinave të azbest çimentos
7.Pyetje dhe përgjigjeje.
Kuvendi i komunës pa vërejtje miratoi proces verbalin nga mbledhja e kaluar.
Këshilltarët e kuvendit të komunës pranuan propozimin e kryesuesit të kuvendit që për arsye të angazhimeve të përfaqësuesve të Sharr-cemit pika e pestë e rendit të ditë të procedohet në fillim të seancës. Këshilltarët pasi që vlerësuan se kërkesa e Sharr-cemit për të filluar me hulumtimin e gurit gëlqerorë është në përputhje me ligjet në fuqi dhe pasi që Sharr-cemi ka potencuar në kërkesë se interesi i tyre në këtë fazë është vetëm hulumtimi ,këshilltarë kërkuan që të dëgjojnë nga përfaqësuesi i Sharr-cemit në mënyrë më të hollësishme planet e Sharr-cemit .
Enver Curri ,përfaqësues nga Sharr-cemi para këshilltarëve prezantoi qëllimin e kërkesës së parashtruar ,duke u ndalur në veçanti mbi planet e kësaj fabrike,në rastin e hulumtimit të gurit gëlqerorë në zonën e Seqishtes.Ai tha se për momentin qëllimi i Sharr-cemit është të bëjë hulumtimin e sasisë dhe përbërjes të kësaj lënde. Tërë ky proces do të jetë në tërësi transparentë duke i respektuar normat ligjore në fuqi. Hulumtimet do ti bëjnë kompanitë e licencuar dhe se për të gjitha matjet ,kuvendi i komunës do të jetë në dijeni të plotë.
Duke shprehur edhe mendimin e tij personal, z. Curri tha se si qytetarë i Hanit të Elezit , jam shumë i bindur se komuna e Hanit të Elezit,do të ketë përfitime shumë të mira në aspektin e investimeve dhe punësimeve, dhe se gjatë tërë kohës i tërë procesi do të përcillet edhe me masa shtesë në mbrojtjen e ambientit .
Nëse vlerësimet e hulumtimeve dalin pozitive , dhe kompania ,, Sharr-cem” gjene interesin për të exploatuar këtë lëndë atëherë në përputhje me ligjet në fuqi do të kërkohet edhe miratimi i kuvendit të komunës.
Pas arsyetimit të dhënë nga përfaqësuesi i Sharr-cemit si dhe vlerësimit të komisionit të komunës për të ju dhënë leje për hulumtim ,këshilltarë me shumicë votash u pajtuan që kompanisë ,,Sharr-cem” të i ipet leja për hulumtimin e gurit gëlqerorë.
Këshilltarët e kuvendit të komunës miratuan plotësimin e Rregullores për tatimin në pronën e paluajtshme dhe propozim vendimin për nismën e bashkëpunimit ndërkufitarë.
Propozim vendimi për përcaktimin e taksave për shitjen e mbeturinave drunore si dhe kërkesën e MMPH-së për dhënien e pëlqimit për deponimin e mbeturinave të azbest çimentos , këshilltarët e kuvendit të komunës vlerësuan se duhet të korrigjohen dhe plotësohen në mënyrë që të procedohen për mbledhjen e ardhshme të kuvendit të komunës .
Zyra për Informim
