Hani i Elezit 24.05.2013
Kremtimi i maturës si kurorëzim i studimit katërvjeçar në shkollë të mesme, në Han të Elezit po shëndrohet në manifestim tradicional Rrugët e qytetit të Hanit të Elezit mbrëmë ishin të mbushura plot me miq dhe familjarë që dolën për t’ju dhënë urimet e tyre maturantëve të shkollës së Mesme “Dardania” të cilët festuan natën e maturës,
Shumë familjarë, shokë e miq me urime të panumërta kanë përcjellë maturantët në ambientet ku është kremtuar nata e maturës. Të gjithë prindërit janë dukur të lumtur që pas një periudhe disa vjeçare, fëmijët e tyre po përmbyllin një cikël arsimimi, i cili do ju hap rrugën për të ecur edhe më tutje përpara.
Ata kanë pranuar urimet dhe dëshirat më të sinqerta të mësimdhënësve, prindërve, për suksese në jetë dhe në shkollimin e mëtutjeshëm. Pritshmëritë e tyre, janë se këta nxënës me dijenin që e kanë fituar dhe me maturimin e tyre do të dinë të ecin drejt sukseseve në të ardhmen, duke materializuar përkushtimin e familjarëve që kanë vënë në dispozicion të tyre gjithçka që ka qenë e nevojshme dhe e mundur.
Tani më janë në botën e të rriturëve dhe me përgjegjës, jo vetëm për veten tyre, por për familjet e tyre si dhe shoqërisë .Maturantët i presin sfida të reja ku do tu drejtohen universiteteve më të mira për të marr dijet e nevojshme.
Hani i Elezit ka nevojë për ju që të ktheheni si kuadro të shëndosha që kjo shoqëri të eci përpara në mënyrë që edhe ne të bëhemi pjesë e familjes evropiane në të gjitha dimensionet.
Urime Maturant
Zyra për informim
