Zvicër – Kosovë Përkrahja për Qeverisje Lokale dhe Decentralizim (LOGOS) ishte pjesë e programit shtetëror të Agjencisë Zvicerane për Zhvillimin dhe Bashkëpunim (SDC) në Kosovë. Faza e dytë e LOGOS-it ka zgjatur nga janari i vitit 2010 deri në dhjetor të vitit 2012.
Në këtë fazë LOGOS-i ka kontribuar në zhvillimin e qëllimit vijues: qeverisja lokale dhe reformat e decentralizimit në Kosovën juglindore janë forcuar, duke kontribuar kështu në demokratizim dhe pjesëmarrjen e qytetarëve në një shtet dhe shoqëri shumë-etnike. Rezultati i projektit LOGOS Faza e II-të ishte se komunat e përzgjedhura partnere në Kosovën Juglindore janë më të përgjegjshme, transparente, të paanshme dhe efektive në qeverisjen lokale dhe janë të afta që të ofrojnë shërbime kyçe për të kënaqur të gjitha grupet e qytetarëve. Rezultati i projektit të lartpërmendur është ndjekur përmes përqendrimit në tri fushat punuese: 1. Planifikimi dhe menaxhimi i burimeve; 2. Administrata dhe Shërbimet Publike; 3. Kapitalizimi dhe shpërndara e përvojave.
Në fazën e dytë LOGOS-i ka pasur partner komunat vijuese: Kllokot, Ranillug, Novobërdë, Shtërpce, Hani i Elezit, Kamenica, Kaçanik, Viti, dhe Partesh (e shtuar në pranverë të vitit 2011). Një buxhet prej 4.712.845 CHF është planifikuar për fazën e dytë. Ky buxhet përfshinë një fond të investimit prej 1.310.000 CHF.
Pothuajse në të gjitha komunat partnere, në përgjithësi qytetarët janë ndarë të kënaqur mbi ecurit e përgjithshme të komunave të tyre (mesatarisht 75% për Komunat shquptare dhe 65% për serbët e Kosovës)
Në raportin e publikuar të LOGOS-it progresi i performancës në komunën e Hanit të Elezit i atribuohet punës së kryetarit aktual, i cili është paraqitur si transparent dhe i gatshëm. Pjesëmarrësit gjithashtu përshkruan komunën si transparente edhe përfshirjen e qytetarëve në vendimmarrje komunale. Pjesëmarrësit gjithashtu shfaqën kënaqësinë e tyre edhe sa i përket investimeve të bëra nga komuna, kryesisht ndërtimin e rrugëve, ndriçimit publik dhe menaxhimin e mbeturinave. Sipas tyre, problemet e vazhdueshme vazhdojnë të jenë në fushat infrastrukturës së ujit dhe të shëndetësisë. Diskutimet në fokus grupe treguan një informatë kthyese shumë pozitive nga qytetarët e komunës së Hanit të Elezit . Në lidhje me fondet publike, të gjithë të anketuarit kanë thënë se janë shumë të kënaqur me kontributin e dhënë nga autoriteti komunal. Pjesëmarrësit meshkuj than se çdo iniciativë e ndërmarrë nga autoritetet komunale është në interesin e tyre më të mirë dhe vurën në dukje se kryetari i komunës fton qytetarët në debate të hapura për të diskutuar për investimet e planifikuara në komunë . Diskutimet me grupe të fokusit treguan një nivel të lartë të kënaqësisë me mundësinë për të marrë pjesë në procesin e vendimmarrjes. Sipas pjesëmarrësve ka mundësi të mjaftueshme për të diskutuar politikat dhe investimet me zyrtarët komunal. Interesante të përmendet se femrat edhe pse janë të vetëdijshme për takimet publike, ato nuk marrin pjesë. Ato thonë se duhet të jenë më aktive në këtë drejtim.
Në raportin e publikuar të LOGOS-it janë të prezantuara edhe shumë shënime mbi ecurit dhe progresin e bashkëpunimit të LOGOS-it me komunat partnere.
Zyra për informim
