Hani i Elezit-16.12.2010
Komunën e Hanit të Elezit sot e vizituan z. Samuel Waelty përfaqësues i zyrës zvicerane për bashkëpunim në Kosovë SCO (Swiss Cooperation Office) si dhe Z. Norbert Pijls, koordinator i projektit të IC- LOGOS me bashkëpunëtorët e tyre.
Mysafirët u takuan me kryetarin e komunës z.Rufki Suma dhe nënkryetarin z.Muzafer Dernjani
Duke i përshëndetur mysafirët z. Suma falënderoi për përkrahjen që zyra Zvicerane i ka dhënë komunës së Hanit të Elezit ,ne veçanti për gatishmërinë,që LOGOS-i ka deklaruar se do ta përkrah komunë edhe për dy vitet e ardhëshme.
Iplementimi i suksesëshëm i projektit të shpejt është një shenjë e mirë se LOGOS-i dhe komuna e Hanit të Elezit kanë të ardhme të mirë të bashkëpunimit ,ishin fjalët e z. Samuel Waelty dhe të Norbert Pijls,duke shtuar se viti 2011 do të jetë edhe më i frytshëm .
Përkrahja Zvicër-Kosovë për Qeverisjen Lokale dhe Decentralizim (LOGOS) në fazën e dytë është duke mbështetur tetë komuna në Jug – Lindje të Kosovës për tu bërë më të përgjegjshme, transparente dhe efikase në ofrimin e shërbimeve për qytetarët e saj.
Në pikëpamje të ofrimit dhe përmirësimit të shërbimeve për qytetarët LOGOS-i mbështet komunat partnere duke ju ofruar asistencë në implementimin e projekteve të ndryshme.Më tej, me qëllim të përmirësimit të zhvillimit komunal dhe ofrimit të shërbimeve në përputhje me planin zhvillimor komunal dhe prioriteteve të qytetarëve LOGOS ka një fond të Investimeve me të cilin kontribuon në:
- përmirësimin e qasjes dhe cilësisë së shërbimeve komunale për qytetarët dhe komunitetet e ndryshme; kontributin në zhvillimin strategjik dhe hapësinor.
- përmirësimin i aftësive për menaxhimin e projekteve (mësimi në punë), me qëllim që të jenë në gjendje ti qasen fondeve ose programeve të tjera
- Nxitje për partnerët në aspektin e rezultateve më të dukshme dhe të prekshme
.Në Han të Elezit LOGOS-i dhe Komuna bashkë financuan “Ndërtimin e rrugës së tregut” në qendër të Hanit të Elezit. LOGOS-i kontribuoi me 9.000 euro dhe komuna me 5.500 euro. Shuma totale e projektit është 14.500 euro
Ky projektë i infrastrukturës drejtpërdrejt është implementuar nga komuna sipas ligjit mbi prokurimin publik të Republikës së Kosovës.
Zvicër-Kosovë Përkrahja për Qeverisjen Lokale dhe Decentralizim (LOGOS) është financuar nga Qeveria Zvicerane përmes Agjencisë Zvicerane për Zhvillim dhe Bashkëpunim SDC dhe i implementuar nga fondi Zviceran INTERCOOPERATION. Faza e projektit përfshinë periudhën prej 01.01.2010 deri më 31.12.2012
Zyra për Informim
