Hani i Elezit-09.12.2010
Ndotja e ambientit në Han të Elezit është një ndër problemet e përhershme në këtë komunë, por përmasat e ndotjes së ambientit gjatë vitit 2010 e sidomos në tre mujorin e fundit kanë qenë shumë të mëdha saqë janë bërë problem dhe pengesë e jetës normale.
-Me anë të kësaj shkrese ju përcjellim Notën e Protestës të shprehur nga organet e Komunës së Hanit të Elezit.
-Me anë të kësaj shkrese ju përcjellim Notën e Protestës të shprehur nga organet e Komunës së Hanit të Elezit.
Si organe komunale disa herë ju kemi bërë me dije se institucioni juaj është duke e ndotë shumë ambientin në Han të Elezit, por gjitha këto vërejtje dhe bisedime të drejtpërdrejta me ju, nuk kanë dhënë rezultate sepse ndotja ka vazhduar me intensitet edhe më të madh.
Qytetarët e Hanit të Elezit disa herë zyrtarisht në organet drejtuese të komunës janë ankuar për ndotjen e ambientit dhe kjo ankesë e qytetarëve është shprehur edhe në mbledhjen e fundit të Kuvendit të Komunës të dt.08.12.2010, ku njëzëri Këshilltarët e Kuvendit të Komunës kanë shprehur pakënaqësinë e tyre me shkallën e ndotjes në Han të Elezit dhe njëherit është marr vendim që kjo pakënaqësi të shprehet me Notë Proteste për institucionin e juaj (fabrikën e çimentos).
Pakënaqësia e qytetarëve gjithnjë është në rritje dhe kjo pakënaqësi mund të manifestohet në forma të ndryshme që nuk do të jetë as në interesin e organeve komunale por as në interesin e fabrikës së çimentos andaj kërkojmë që urgjentisht të merrni masa për përmirësimin dhe ndërprerjen e ndotjes së ambientit në Han të Elezit.
Duke pasur parasysh se fabrika e çimentos në Han të Elezit është institucioni mjaft i rëndësishëm për banorët e komunës sonë dëshirojmë që kjo formë e komunikimit mes nesh të jetë e fundit për këtë problematikë.
Kryetari i Komunës Rufki Suma
Kryesuesi i Kuvendit Komunal Menduh Vlashi
I nderuari drejtor i fabrikës së çimentos ,,Sharrcem”
