Hani i Elezit 06.04.2013
Në komunën e Hanit të Elezit aktivitetet për të zbatuar në praktikë “Rregulloren për organizimin dhe bashkëpunimin e komunës me Fshatrat, Vendbanimet dhe Lagjet Urbane në territorin e komunës së Hanit të Elezit” po hyjnë në fazën përfundimtare . Këshillat lokale të Lagjes Uji i Thartë dhe fshatit Laç, do të ju mundësojnë banorëve të tyre që të marrin pjesë në vendimmarrjen komunale, të shprehin nevojat e tyre të veçanta dhe të njihen me zhvillimet komunale.
Zyrtarizimi i kësaj mardhënje po realizohet në përputhje me rregulloren e miratuar në vitin 2012 nga Kuvendi i Komunës së Hanit të Elezit e cila është hartuar në bashkëpunim të ngushtë me përfaqësuesit e tanishëm lokal, dhe në bashkëpunim me Asociacionin e Komunave të Kosovës, Ministrinë e Administrimit të Pushtetit Lokal dhe me përkrahjen e LOGOS-it.
Banorët e Lagjes së Ujit të Thartë dhe fshatit Laç në përputhje me dispozitat e rregullores së re dhe në një proces demokratik zgjedhën këshillin e tyre lokale dhe udhëheqësit e tyre.
Ashtu siç është paraparë në rregullore, banorët me propozimin e tyre vendosën që këshilli i Lagjes Uji i Thartë të përbëhet prej 5 anëtarëve të cilët u votuan me vota të mbyllura nga lista e 7 anëtarëve të propozuar. Me shumicë votash banorët e Lagjes vendosën që për mandatin e ardhshëm tre vjeqarë këtë Lagje ta përfaqësojë këshilli i zgjedhur me këtë përbërje:
1.Zejnulla Bela – Kryetarë i këshillit lokal
2.Liridona Bushi -Anëtare e këshillit lokal
3.Arsim Bushi – Anëtare e këshillit lokal
4.Isni Bushi – Anëtare e këshillit lokal
5.Burhan Vila – Anëtare e këshillit lokal
Ndërsa banorët e fshatit Laç vendosën që me vota të hapura të zgjedhin këshillin e tyre lokal dhe ata e vendosën në mënyrë unanime me propozimet e tyre që këshilli të përbëhet nga :
1.Safet Laçi – Kryetarë i këshillit lokal
2.Mentor Laçi-Anëtarë i këshillit lokal
3.Sahit Laçi – Anëtarë i këshillit lokal
4.Ramiz Beqa – Anëtarë i këshillit lokal
5.Labinot Beqa- Anëtarë i këshillit lokal
Zyra për Informim
