KVRL-ja e Hanit te Elezit i dhuron tituj të ndryshëm te librave shkencor Bibliotekës se qytetit

Këshilli i Veprimit Rinor Lokal në Han te Elezit i ka dhuruar sot Bibliotekës së Qytetit në Han te Elezit disa  libra me tituj të rinj shkencor. Ky projekt është financuar nga OSBE-ja, ndërsa është realizuar nga KVRL në Han te Elezit.

Ceremonia e pranim-dorëzimit të këtyre librave u bë në bibloteken e qytetit, me ç’rast të pranishmit i priti kryetari i Komunës së Hani te Elezit z. Rufki Suma. Ai me këtë rast falënderoi  dhe përgëzoi të rinjtë për kontributin e dhënë për këtë bibliotekë duke shtuar se komuna e Hanit të Elezit do të mirëpret cilën do iniciativë që kontribuon në ngritjen e këtij institucioni kulturorë .
Artan Binaku dhe Faruk Dërmaku- zyrtarë te OSBE-së në Gjilan, i përgëzuan të rinjët-KVRL-në për këtë iniciativë me qëllim te pasurimit te bibliotekës me tituj të ndryshëm te librave shkencor, te fushave të të drejtave te njeriut, qeverisjes lokale, demokracisë si dhe te fushës se shkencave juridike.

Kryetari i komunës z.Suma dhe kryetari i KVRL-se Shenasi Dernjani falënderuan ekipin e OSBE-se për mbështetjen e dhënë në iniciativat rinore .
Titujt e librave janë përzgjedhur në mënyrë që të jenë në shërbim të studentëve të profileve të ndryshme studimore .

Projekti i furnizimit të bibliotekës me tituj të rinjë, realizohet për here të parë këtë  vit duke pasur parasysh se po këtë vit kjo bibliotekë ka filluar edhe punën e saj.