Kuvendit i Komunës së Hanit të Elezit, mbanë mbledhjen e nëntë të rregullt për vitin 2016.
Anëtarët e Kuvendit për rendë të ditës shqyrtuan:
-Miratimi i procesverbalit nga mbledhje e kaluar
-Shqyrtimi i projekt -buxhetit për vitin 2017 dhe parashikimet buxhetore për 2018-2019 për komunën e Hanit të Elezit.
-Shqyrtimi i propozim vendimit të planit të punës të Kuvendit të Komunës për vitin 2017.
-Shqyrtimi i informatës për fillimin e vitit shkollorë 2016/17.
-Shqyrtimi i informatës për realizimin e planit të prokurimit për vitin 2016.
-Shqyrtimi i informatës për korrje-shirjet
-Shqyrtimi i propozim vendimit për ndarjen e mjeteve financiare.
Me punën e Kuvendit të Komunës udhëhoqi kryesuesi i kuvendit Qamush Brava ndërsa në emër të ekzekutivit prezantuan Kryetari i Komunës Rufki Suma dhe drejtorët e drejtorive përkatëse .
Pas miratimit të rendit të ditës dhe procesverbalit nga mbledhja e kaluar anëtarët e kuvendit Shqyruan projekt -buxhetin për vitin 2017 dhe parashikimet buxhetore për 2018-2019 për komunën e Hanit të Elezit.
Në propozimin e ekzekutivit të cilin e prezantoi Drejtori për Buxhet dhe Financa Shabi Rexhallari, buxheti i përgjithshëm i Komunës së Hanit të Elezit për vitin 2017 është në shumë prej 2,406,534 €, ndërsa parashikimet buxhetore për vitin 2018 janë në shumë prej 2,150,729 € dhe për vitin 2019 janë në shumë prej 2,193,063 €. Në strukturën e të hyrave të tërësishme buxhetore për vitin 2017 mjetet nga grantet qeveritare janë në shumë prej 2,166,680 €, që shënojnë pjesëmarrje prej 90.03%, ndërsa nga të hyrat vetanake komunale në shumë prej 239,854 € apo 9.97%.
Me disa propozime konkrete Kuvendi i komunës miratoi buxhetit për vitin 2017 dhe parashikimet buxhetore për 2018-2019 për komunën e Hanit të Elezit.
Kuvendi i komunës miratoi vendimin planit të punës të Kuvendit të Komunës për vitin 2017.
Këshilltarëve komunal iu prezantuan informata për fillimin e vitit shkollorë 2016/17, informata për realizimin e planit të prokurimit për vitin 2016 si dhe informata për korrje-shirjet.
Kuvendi i komunës miratoi i propozim vendimin e Drejtorisë së Bujqësisë për ndarjen e mjeteve financiare për blerjen e makinave për mjelje të lopëve të cilat do të ju ndahen fermerëve të komunës së Hanit të Elezit.
