Kuvendi i Komunës së Hanit të Elezit miraton Dekaratën “ JO NË EMRIN TIM”
Kuvendi i Komunës së Hanit të Elezit mbajti mbledhjen e nëntë të rregullt për vitin 2026.
Kuvendi i Komunës para fillimit të shqyrtimit të rendit të ditës, me propozim të Kryesuesit të Kuvendit z.Florim Shkreta dhe përkrahje unanime të këshilltarëve komunal është miratuar deklarata:
JO NË EMRIN TIM
Për luftën çlirimtare të UÇK-së dhe kundërshtimin e aktgjykimit të shkallës së pare të dhomave të Specializuara në Hagë
Kuvendi I Komunës së Hanit të Elezit, si organ përfaqësues I qytetarëve të komunës, në mbledhjen e dates 30.09.2026 duke mbështetur qendrimet e Deklaratës së Kuvendit të Republikës së Kosovës të datë 28 shtator 2026;
Duke nderuar sakrificën e brezave për liri e pavarësi, rezistencën politike dhe paqësore të popullit të Kosovës, luftën e Ushtrisë Çlirimtare të Kosovës dhe mbështetjen vendimtare të aleatëve perendimorë e të NATO-s.
Duke vlerësuar se kundërshtimi ligjor dhe institucional I një aktgjykimi të konsideruar të padrejtë është I pajtueshëm me respektimin e shtetit të së drejtës;
Miraton këtë Deklaratë:
1.Shprehë mospajtimin e thelë me aktgjykimin e shkallës së pare të shpallur më 16 shtator ndaj Hashim Thaçi, Kadri Veselit, Jakup Krasniqit dhe Rexhep Selimit, të cilin e vlerëson të padrejtë.Mbështet kundërshtimin dhe rishqyrtimin e tij përmes mjeteve juridike që u njihen palëve.
2.Kërkon rishqyrtimin e përfundimit për ekzistencën e një qëllimi të përbashkët kriminal përmes mjeteve juridike, duke kërkuar vlerësimin e plotë të argumenteve dhe provave të mbrojtjes lidhur me karakterin mbrojtës të luftës të UÇK-së dhe mbrojtjen e populates së Kosovës.
3.Riafirmon karakterin e drejtë dhe çlirimtar të luftës së UÇK-së kundës represionit të regjimit serb.Kundërshton shtrembërimin e histories dhe barazimin e popullit që mbrohej me regjimin shtypës.Rikujton se Tribunali Ndërkombëtar për ish-jugosllavinë ka konstatuar, në aktgjykimet ndaj drejtuesëve të Jugosllavisë dhe Sërbisë, ekzistencën e një ndërmarrjeje të përbashkët kriminale për dëbimin e shqiptarëve nga Kosova gjatë viteve 1998-1999.Ky kontekst nuk mund të anashkalohet në vlerësimin e luftës në Kosovë.
4. Kërkon nga dhomat e Specializuara që të respektojnë mandatin e tyre, në përputhje me vullnetin e Kuvendit të Kosovës. Çdo shqyrtim I mëtejshëm gjyqësor duhet të zhvillohet në mënyrë të pavarur e të paanshme, të mbështetet në fakte dhe prova dhe të garantoj të drejtën për gjykim të drejt dhe mbrojtje efektive.
5.Mbështet kërkesën për një stategji të përbashkët shtetërore për mbrojtje dhe afirmimin e së vërtetës historike dhe të pastërtisë të luftës çlirimtare.U bënë thirrje institucioneve të Republikë së Kosovës që me unitet dhe bashkërendim ndërinstitucional të ndërmarrin veprimet e nevojshme juridike, institucionale e diplomatike për këtë qëllim.
6.Shpreh solidaritetin me familjet e Hashim Thaçi, Kadri Veselit, Jakup Krasniqit dhe Rexhep Selimit si dhe familjet e Pjetër Shalës e Salih Mustafës. U bënë thirrje qytetarëve të Hanit të Elezit që qëndrimet e tyre ti shprehin me dinjitet, qetësi dhe në mënyrë paqësore e institucionale.
Kryesuesi I Kuvendit
Florim Shkreta
Në mbledhjen e rregullt Kuvendi i Komunës për rendë të punës kishte:
1.Miratimi i procesverbalit nga mbledhja e kaluar.
2.Buxheti i komunës për vitin 2027 dhe parashikimet buxhetore për vitin 2028-2029.
3.Plani i punës së kuvendit të komunës për vitin 2027.
4.Shqyrtimi i rregullores për taksa komunale për vitin 2027.
5.Propozim për ndryshimin e rregullores për kushtet, kriteret dhe procedurat e ndarjes së subvencioneve.
6.Rishqyrtimi i vendimit me numër 01/Nr.6383/2026 për ofertën e përzgjedhur nga komisioni vlerësues për dhënien në shfrytëzim afatgjatë të pronës së paluajtshme të Komunës.
7.Draft plani komunal për riintegrimin e qëndrueshëm të personave të riatdhesuar dhe integrimin e të huajve në komunën e Hanit të Elezit 2026-2028.
8.Informatë mbi fillimin e vitit shkollor 2026/2027.
9.Të ndryshme.
Me prozim të këshilltarit Resul Suma rendi i Punës është plotësuar me pikën:
-Kërkesë për transfer të mjeteve buxhetore në kategorinë buxhetore Mallra dhe shërbime .
Si dhe pika e rendit të ditës- Shqyrtimi i rregullores për taksa komunale për vitin 2027 të bartet për shqyrtim në mbledhjen e ardhshme
Me punën e Kuvendit të Komunës udhëhoqi Kryesuesi i Kuvendit z.Florim Shkreta, ndërsa në emër të ekzekutivit ishin prezent Kryetari i Komunës z.Mehmet Ballazhi si dhe drejtorët e drejtorive të komunës
