Kuvendi i komunës së Hanit të Elezit mbanë mbledhjen e tretë të rregullt për vitin 2016. Këshilltarët për rendë të punës shqyrtuan:
1. Miratimi i procesverbalit nga mbledhja e kaluar.
2. Miratimi i revidimit të planit për menaxhimin e mbeturinave.
3. Miratimi i strategjisë komunale për personat me aftësi të kufizuar 2016-2019.
4. Miratimi i plotësim ndryshimit të rregullores për organizimin e Komunës me këshillat e fshatrave, vendbanimeve dhe lagjeve urbane.
5. Miratimi i themelimit të komisionit për zgjedhjen e këshillave të fshatrave.
6. Miratimi i raportit të punës së komitetit për komunitete për vitin 2015.
7. Miratimi i raportit të punës së tri komiteteve konsultative për vitin 2015.
8. Shqyrtimi i njoftimit për aktivitetet e këshillit komunal për siguri në bashkësi për vitin 2015.
9. Shqyrtimi i njoftimit për aktivitetet e këshillave të fshatrave të komunës së Hanit të Elezit 2015.
10. Pyetje dhe përgjigje.
Me punën e kuvendit të komunës udhëhoqi kryesuesi i kuvendit Qamush Brava, ndërsa në emër të ekzekutivit ishin prezent nënkryetari i komunës Menduh Vlashi dhe drejtorët e drejtorive përkatëse.
Kuvendi i komunës së Hanit të Elezit miratoi revidimin e planit për menaxhimin e mbeturinave .Menaxhimin e mbeturinave në qytet dhe në vendbanimet rurale të Hanit të Elezit, themelimi i një rrjeti funksional për grumbullimin e mbeturinave, krijimi i një plani për menaxhimin e mbeturinave dhe mbështetja financiare e programeve për ngritjen e vetëdijes publike si dhe themelimi i një ndërmarrjeje publike që i parasheh ky dokument, do të jetë strategjia e komunës së Hanit të Elezit për ta menaxhuar këtë problematikë në mënyrë afatgjatë.
Këshilltarë miratuan Planin Komunal të Veprimit për Personat me Aftësi të Kufizuara (PKVPAK), për vitet 2016-2019 si një prej hapave më të rëndësishëm në plotësimin e këtij përkushtimi. Për më tepër me anë të këtij plani janë vendosur parimet bazë për krijimin dhe zbatimin e politikave të qëndrueshme komunale për krijimin e mundësive që personat me aftësi të kufizuara të jenë pjesëtarë aktiv dhe të pavarur në të gjitha fushat e jetës shoqërore.
Miratimi i plotësim ndryshimit të rregullores për organizimin e Komunës me këshillat e fshatrave, vendbanimeve dhe lagjeve urbane u vlerësua e nevojshëm bazuar në praktika e tre viteve të kaluar të funksionimit të këtyre këshillave, vlerësuan këshilltarët komunal.
Ata edhe propozuan dy kandidatë, Bujar Ballazhin dhe Qamush Bravën për anëtarë të komisionit nga kuvendi i komunës për zgjedhjen e këshillave të fshatrave.
Kuvendi pa vërejtje miratoi raportin e punës së komitetit për komunitete për vitin 2015, raportin e punës së tri komiteteve konsultative për vitin 2015 si dhe njoftimin për aktivitetet e këshillit komunal për siguri në bashkësi për vitin 2015.
