Kuvendi për rendë të ditës shqyrtoi:
1.Miratimi i procesverbalit nga mbledhja e kaluar.
2.Shqyrtimi i propozim vendimit për themelimin e grupit punues për hartimin e planit të punës të kuvendit të komunës për vitin 2017.
3.Shqyrtimi i informatës mbi procesin e trajtimit të ndërtimeve pa leje dhe legalizimin e tyre.
4.Shqyrtimi i njoftimit për aktivitetet e këshillit komunal për siguri në bashkësi për gjashtëmujorin e parë të vitit 2016.
5.Shqyrtimi i raportit mbi vlerësimin e performancës së komunës.
Me punën e kuvendit të komunës udhëhoqi Kryesuesi i Kuvendit Qamush Brava ndërsa në emër të ekzekutivit ishin prezent nënkryetari i komunës Menduh Vlashi dhe drejtorët e drejtorive përkatëse.
Pas miratimit të rendit të ditës dhe procesverbalit nga mbledhja e kaluar këshilltarë shqyrtuan propozim vendimit për themelimin e grupit punues për hartimin e planit të punës të kuvendit të komunës për vitin 2017.
Këshilltarët u pajtuan që anëtarë të grupit punues për hartimin e planit të punës të kuvendit të komunës për vitin 2017 të jenë anëtarë e KPF-së.
Këshilltarët nga drejtorët e drejtorive përkatëse u njoftuan me informatën mbi procesin e trajtimit të ndërtimeve pa leje dhe legalizimin e tyre si dhe raportin mbi vlerësimin e performancës së komunës .
Ndërsa nënkryetari i komunës Menduh Vlashi para këshilltarëve prezantoi aktivitetet e këshillit komunal për siguri në bashkësi për gjashtëmujorin e parë të vitit 2016.
