Hani i Elezit 31.07.2014
Kuvendi i komunës së Hanit të Elezi mbajti mbledhjen e shtatë të rregullt për vitin 2014 dhe për rendë të punës kishte:
1. Miratimi i procesverbalit nga mbledhja e kaluar dhe nga mbledhja e jashtëzakonshme.
2. Shqyrtimi i raportit gjashtëmujor të punës së kryetarit të komunës për vitin 2014.
3. Miratimi i raportit gjashtëmujor të shpenzimeve buxhetore për vitin 2014.
4. Shqyrtimi i propozim ndryshimit të rregullores për tatimin në pronën e paluajtshme.
5. Pyetje dhe përgjigje.
Mbledhjen e udhëhoqi kryesuesi i kuvendit z.Qamush Brava, ndërsa ishte prezent edhe kryetari i komunës z.Rufki Suma.
Pas miratimit të procesverbalit nga mbledhja e kaluar dhe nga mbledhja e jashtëzakonshme para këshilltarë u prezantua shqyrtimi i raportit gjashtëmujor të punës së kryetarit të komunës për vitin 2014.
Në raportin është prezantuar puna e ekzekutivit ku thuhet se pas zgjedhjeve lokale te mbajtura në nëntor te vitit 2013, në fillim te muajit janar 2014 është emëruar ekzekutivin e komunës duke filluar nga nënkryetari deri te drejtorët e drejtorive komunale,
-Janë zgjedhur organet drejtuese te Kuvendit,
-Janë zgjedhur komitetet konsultative dhe ato obligative të Kuvendit
-Është rikonsoliduar KKSB-ja
Për dallim nga viti 2013 këtë vit buxheti i komunës është alokuar me kohë e cila mundësoi që edhe projektet dhe aktivitetet e komunës të fillojnë më herët.Ndër prioritet e administratës së komunës edhe këtë vit ishte aplikimi i ligjshmërisë, në kuadër të saj dhe
– Hartimi i rregulloreve për të përligjësuar të gjitha aktivitetet e saja
– Hartimi dhe përtëritja e infrastrukturës ligjore në kuadër të komunës
– Bashkëpunimi i komunës me qeverinë dhe faktorin ndërkombëtar në Kosovë
-Vazhdimi i kontinuitetit të projekteve të filluara në vitin 2013 dhe implementimi i projekteve prioritare për vitin 2014
-Ngritja e kapaciteteve teknike dhe njerëzore në kuadër të komunës
Bashkëpunimi i administratës komunale, gjatë kësaj periudhe është shumë i begatshëm duke filluar nga qeveria ku me sukses kemi vazhduar projekte të cilat ishin filluar më herët siç janë:
– Vazhdimi i projektit në ndërtimin e objektit të QPS-së
– Vazhdimi i projektit te kanalizimit rrugën “Adem Jashari” deri ne lumin Lepencë,
– Riparimi i kompleksit te Varrezave te Dëshmorëve,
– Vazhdimi i projekteve me Caritasin e Luxemburgut ne fshatin Seqishtë.
Në kuadër të këtij bashkëpunimi janë konkretizuar edhe disa marrëveshje të bashkëpunimit për të realizuar edhe disa projekte të rëndësishme si;
Marrëveshje mes Komunës dhe MAPL-së per financimin e projektit te asfaltimit te rrugës Paldenicë-Dermjak.
Këshilltarët e kuvendit të komunës miratuan pa vërejtje raportin e prezantuar të kryetarit të komunës.
Këshilltarët miratuan edhe raportin gjashtëmujor të shpenzimeve buxhetore për vitin 2014- për periudhën janar – qershor 2014-
Buxheti në fillim ka qenë i planifikuar në shumë prej 1,832,040.00 €, pastaj nga të hyrat e bartura të pashpenzuara nga viti 2013 barten edhe 27,183.13 €, pra buxheti për vitin fiskal 2014 është në shumë prej 1,859,223.13€.
-Paga dhe mëditje në shumë prej 1,079,088.00€ apo 58.04%
-Mallra dhe shërbime në shumë prej 174,296.38€ apo 9.37%
-Shpenzime komunale në shumë prej 37,500.00€ apo 2.02%
-Subvencione dhe transfere në shumë prej 37,245.07€ apo 2.00%
-Shpenzime kapitale në shumë prej 531,093.68€ apo 28.57%
-Totali në shumë prej 1,859,233.13€ apo 100.00%.
-Shpenzimi për këtë gjashtëmujor është në shumë prej 726,491.96€ apo 39.08%
Faturimi nga të hyrat nga tatimi në pronë për vitin 2014, është në shumë prej 96,834.86 €, kurse janë arkëtuar 50,994.31€, që do të thotë se kemi realizuar 52.66% nga faturimi (duke përfshirë borxhet-kamatën dhe ndëshkimet)
Kuvendi i komunës së Hanit të Elezit vendosi që të nxjerrë në debat publik propozim ndryshimin e rregullores për tatimin në pronën e paluajtshme.
Sipas këtij propozimi kjo rregullore do të ndryshojë në këto nene:
Neni 3 shkallët e tatimit ndryshohet vlera e tregut sipas metrave katror (m2), në tabelë siç vijon:
Pronat Bujqësore: (zvogëlim të vlerës së tregut)
zona I nga 120-80
zona II nga 100-60
zona III nga 80-50
zona IV nga 80-40
Pronat e braktisura dhe të pabanuara: (zvogëlim të vlerës se tregut)
zona I nga 120-100
zona II nga 100-80
zona III nga 80-60
zona IV nga 60-50
Neni 5 shtëpitë të cilat gjenden nën hekurudhë rruga “Lepenci” të kalojnë nga zona e parë në zonën e dytë tatimore.
Neni 5, pika 5.4 fshati Rezhancë të kalojë nga zona e katërt tatimore në zonën e tretë tatimore.
