Hani i Elezit 29.05.2014
Kuvendi i Komunës së Hanit të Elezit mbanë mbledhjen e pestë të rregullt për vitin 2014 dhe për rendë të punës shqyrtoi:
1. Miratimi i procesverbalit nga mbledhja e kaluar.
2. Miratimi i projekt rregullores për korrje shirje.
3. Miratimi i planit të punës së komitetit për komunitete për vitin 2014.
4. Miratimi i planit të punës së tri komiteteve konsultative për vitin 2014.
5. Miratimi i propozim vendimit për ndarjen e mjeteve financiare për bursa për studentët në komunën e Hanit të Elezit .
6. Miratimi i propozim vendimit për ndarjen e mjeteve financiare për javën kulturore 2014 në komunën e Hanit të Elezit.
7. Miratimi i kërkesës së ’’Sharrcem” sh.p.k për ndrrim të përkohshëm të destinimit të tokës në zonën kadastrale të fshatit Dimcë.
8. Miratimi i kërkesës së ’’Sharrcem” sh.p.k për ndrrim të përkohshëm të destinimit të tokës në zonën kadastrale Paldenicë.
9. Miratimi i kërkesës së ’’Sharrcem” sh.p.k për eksploatimin e gurit gëlqeror në zonën kadastrale Seçishtë.
10. Miratimi i propozim vendimit për mënyrën e llogaritjes dhe lartësinë e kompensimit për pranim teknik të objekteve ndërtimore.
11. Miratimi i revidimit të vendimit 01 Nr.259/02 dhe kontratës mbi ndërtim Nr.790/02 të lëshuar nga komuna e Kaçanikut.
12. Miratimi i kërkesës së z. Nuredin Qupi për shfrytëzimin e tokës bujqësore.
13. Pyetje dhe përgjigje.
Punën e kuvendit të komunës e udhëheqi kryesuesi i kvendit z.Qamush Brava ndërsa ishin prezent nënkryetari i komunës z.Menduh Vlashi dhe drejtorët e drejtorive përkatëse.
Kuvendi pa vërejtje miratoi rendin e punës si dhe procesverbalin nga mbledhje e kaluar.
Duke u nisur nga rëndësia e fushatës së korrje shirjeve të grurit dhe drithrave tjera si edhe ajo të bëhet brenda një kohe të shkurtër, edhe organizimi i punëve duhet të jetë në nivel të duhur. Për këtë arsye kuvendi miratoi rregulloren për korrje-shirje me të cilat synohet që të rregullohen raportet kontraktuale ndërmjet bujqëve dhe autokombajnerët të cilët duhet t’u përmbahen rregullave të korrje – shirjeve të përcaktuara me këtë dokument.
Këshilltarë pa shumë vërejtje miratuan planin e punës së komitetit për komunitete për vitin 2014 si dhe miratimi e planit të punës së tri komiteteve konsultative për vitin 2014.
Studentët e komunës së Hanit të Elezit edhe këtë vit do të përfitojnë bursa nga komuna e Hanit të Elezit. Këshilltarët ishin unanim në vendimin e tyre që edhe këtë vit të ndajnë 20 bursa nga 50€ për studentët të cilët i plotësojnë kriteret sipas rregullores për ndarjen e bursave.
Këshilltarë e komunës së Hanit të Elezit vendosë që të ndajnë 4.145.oo€ për realizimin e “Javës Kulturore” 2014.
Kuvendi i komunës miratoi i kërkesën e Kompanisë ’’Sharrcem” sh.p.k për ndrrim të përkohshëm të destinimit të tokës në zonën kadastrale të fshatit Dimcë dhe në zonën kadastrale Paldenicë.
Lidhur me Miratimin e kërkesës së ’’Sharrcem” sh.p.k për eksploatimin e gurit gëlqeror në zonën kadastrale Seçishtë, këshilltarët kishin rastin të dëgjojnë edhe arsyetimin e përfaqësuesit të kësaj kompanie të cilit edhe iu bënë shumë pyetje lidhur me perspektivën e kësaj veprimtarie si dhe efektet e mundëshme mjedisore.Pas një debati konstruktiv këshilltarët vendosën për miratimin e kërkesës së ’’Sharrcem” sh.p.k për eksploatimin e gurit gëlqeror në zonën kadastrale Seçishtë duke vlerësuar se mundë të jetë mundësi e mirë për zhvillim ekonomik si dhe zbutjen e papunësisë në komunën e Hanit të Elezit
Kuvendi miratimi edhe propozim vendimit për mënyrën e llogaritjes dhe lartësinë e kompensimit për pranim teknik të objekteve ndërtimore, si dhe kërkesën e z.Nuredin Qupi për shfrytëzimin e tokës bujqësore.
Kuvendi i Komunës së Hanit të Elezit miratoi vendimin për revidimin e vendimit 01 Nr.259/02 datë 17.09.2002 dhe kontratës mbi ndërtimin Nr.790/02 datë 21.10.2002 të lëshuar nga Kuvendi i Komunës së Kaçanikut.
Në vendimin 01 Nr.259/02 datë 17.09.2002 me të cilin parashihet ndërtimi i objektit kolektiv të banimit me lokale afariste në Han të Elezit në parcelën Kadastrale nr.133/1 të evidentuar në fletën poseduese nr. 58 të Komunës së Hanit të Elezit që është pasuri shoqërore : shfrytëzues Kuvendi i Komunës Kaçanik, duhet të ndryshohet numri i parcelës nga 133-1 në numrin e krijuar të parcelës ndërtimore.Sipas këtij vendimi bëhet bashkimi i parcelave 134-1,me parcelën nr.133-6 dhe 137-8 ku formohet parcela ndërtimore me sipërfaqe për objektin ekzistues kolektiv të banimit B+P+4+NK sipas lejes së ndërtimit 07.nr/242/2004 dhe hapësirën përcjellëse me sipërfaqe totale 952 m2.
Zyra për Informim
