Kuvendi i Komunës së Hanit të Elezit mbanë mbledhjen e parë të rregulltë për vitin 2015.
Këshilltarët për rend të ditës shqyrtuan:
1.Propozim Vendimin për ndarjen e mjeteve financiare për bursa për studentët në Komunën e Hanit të Elezit
2.Plani i Punës së Komitetit për Komunitete për vitin 2015
3.Plani i Punës për vitin 2015 i Komiteteve Konsultative.
4.Propozim vendim për shqyrtimin dhe miratimin e planit të Këshilli Komunal për Siguri në Bashkësi për vitin 2015
5.Draft plani i veprimit I Këshillit Komunal të Sigurisë në Bashkësi për Komunën e Hanit të Elezit për vitin 2015
6.Plani i Punës së Këshillave të Fshatrave të Komunës së Hanit të Elezit për vitin 2015.
7.Informatë mbi procesin e trajtimit të ndërtimeve pa leje dhe legalizimin e tyre.
8.Raportin vjetor mbi vlerësimin e performancës së Komunës.
9.Informatë rreth subjektëve afariste
10.Pyetje dhe përgjegje.
Me punën e kuvendit të komunës udhëheqi kryesuesi i kuvendit z. Qamush Brava ndërsa në emër të ekzekutivit prezentuan Kryetari i Komunës Rufki Suma dhe drejtorët e drejtorive .
Kuvendi i komunës së Hanit të Elezit miratoi vendimin për ndarjen e mjeteve financiare për bursa për studentët në Komunën e Hanit të Elezit Sipas këtij vendimi mjetete dedikuara për ndarjen e bursave për studentë merren nga kodi ekonomik subvencione dhe transfere vlera e të cilave është prej 10,000.00 €, dhe do të përfitojnë 20 (njëzet) studentë për dhjetë muaj nga 50.00 € në muaj.
Kuvendi i komunës pa vërejtje miratoi Plani e Punës së Komitetit për Komunitete për vitin 2015, Plann e Punës për vitin 2015 i Komiteteve Konsultative, Propozim vendimin për shqyrtimin dhe miratimin e planit të Këshilli Komunal për Siguri në Bashkësi për vitin 2015, Planin e veprimit të Këshillit Komunal të Sigurisë në Bashkësi për Komunën e Hanit të Elezit për vitin 2015 si dhe Planin e Punës së Këshillave të Fshatrave të Komunës së Hanit të Elezit për vitin 2015.
Informatë mbi procesin e trajtimit të ndërtimeve pa leje dhe legalizimin e tyre zgjoi mjaft debat ndër këshilltarët e kuvendit të komunës. Shumë nga këshilltarët kishin dyshime për suksesin lidhur me zbatimin e Ligjit mbi procesin e legalizimit të ndërtimeve në komunën e Hanit të Elezit. Këshilltarët vlerësojn se implementimi i Ligjit në fuqi do të jetë vështirë i zbatueshëm për shkak të kostos shumë të lartë për legalizimin e objekteve duke marrë parasyshë gjendjen shumë të rëndë sociale të shumë familjeve.
Duke u ndërlidhur në këtë debat kryetari i Komunës Rufki Suma dhe Kryesuesi Qamush Brava thanë se i tërë procesi është në fazën fillestare dhe se komuna e Hanit të Elezi do të angazhohet që në kuadër të kompetencave të saja të ndihmojë këtë proces sidomos në pjesën e shqyrtimit të rregullores për taksa dhe tarifa.
Kuvendi i komunës pa vërejtje miratoi raportin vjetor mbi vlerësimin e performancës së Komunës ndërsa në prezantimin e informatës rreth subjektëve afariste në komunën e Hanit të Elezit nga Drejtoria për Zhvillim Ekonomik u tha se në komunën e Hani të Elezit gjithsej aktivitetin ekonomik e ushtrojnë 200 biznese të veprimtarive të ndryshme, mirëpo kemi edhe një numër të konsiderueshëm të bizneseve që janë pasive e ku numri i këtyrëve bizneseve është 75 biznese. Gjithashtu në Komunë janë edhe një numër prej 30 personave që ushtrojnë veprimtarin afariste auto-taxi.Veprimtaritë me numër më të madh që prinë në komunën tonë janë shpedicionet me 25% që aktiviteti i tyre kryesishtë është në terminalin doganor, 18% ndërmarrjet tregtare, 14% shërbime, 11% transportuese, 11% zejtare, 10% hoteliere, 8% ndërtimore dhe me 3% prodhuese. Gjatë viti 2014 janë lëshuar 275 aktvendimet nga këto aktvendime gjithsej janë faturuar apo(ngarkuar) 95,380.00€.
Prej të gjitha këtyre bizneseve të hyrat vetanake për vitin 2014 janë në shumë prej 74,441.00 € apo 78.05%.
Në pikën e rendit të ditës, pyetje dhe përgjegje, Kryetari Rufki Suma i njoftoi këshilltarët lidhur me disa nga projektet më të rëndësishme të cilat priten të realizohen gjatë vitit 2015
Zyra për Informim
