Hani i Elezit 25.09.2014
Kuvendit të Komunës mbajti mbledhjen e nëntë të rregullt për vitin 2014 me këtë rendë të punës:
1. -Miratimi i procesverbalit nga mbledhja e kaluar.
2. -Miratimi i projekt-buxhetit për vitin 2015 dhe parashikimet buxhetore për vitin 2016-2017.
3. -Miratimi i propozim vendimit për rialokim dhe transfer të mjeteve për vitin 2014.
4. -Miratimi i propozim ndryshimit të rregullores për tatimin në pronën e paluajtshme.
5. -Shqyrtimi i informatës mbi fillimin e vitit të ri shkollor 2014/2015.
6. -Shqyrtimi i raportit të auditimit për vitin 2013.
7. -Miratimi i kërkesës së firmës “Chrom Kosova” sh.p.k për dhënien e pëlqimit për hulumtim.
8. -Pyetje dhe përgjigje.
Me punën e kuvendit udhëheqi kryesuesi i kuvendit Qamush Brava ndërsa ishin prezent Kryetari i komunë Rufki Suma dhe Drejtorët e drejtorive përkatëse.
Para fillimit të procedimit me pikat e rendit të ditës këshilltarëve të kuvendit të komunës iu drejtua kryetari i komunës Rufki Suma për të prezantuar informatën mbi zhvillimet në komunën e Hanit të Elezit në tre mujorin e tretë të vitit 2014.
Kryetari Suma para këshilltarëve prezantoi në mënyrë kronologjike zhvillimet më të rendësishme duke filluar nga reagimet lidhur me ngjarjet lidhur me arrestimet e shqiptarëve në rastin Mostra si dhe protestën e organizuar nga qytetarët e komunës së Hanit të Elezit në përkrahje të protestave të arsyeshme të shqiptarëve të Maqedonisë lidhur me këtë rast.Në vazhdim kryetari i njoftoi këshilltarët me Marrëveshjet e nënshkruara me UN-HABITAT-in për realizimin e projektit të përbashkët në infrastrukturë në fshatrat Gorancë dhe Paldenicë në vlerë prej 78.000.oo €, me Agjencionin Kadastral të Kosovës për rindërtimin e zonave kadastrale në Seqishtë, Paldenicë e Gorancë, me projektin “Demos” për bashkëpunim në katër vitet e ardhëshme dhe marrveshje tjera. Ai i njoftoi këshilltarët edhe me ecurinë projekteve të cilat janë në zhvllim e sipër si ndërtimi i rrugës Hani i Elezit- Dërmjak, Aneksin e QKMF-së, Hapjen e Qendrës pë regjistrimn e bizneseve si dhe zhvillimet tjera të rëndësishme në komunën e Hanit të Elezit.
Në vazhdim të punimeve këshilltarë miratuan procesverbali nga mbledhja e kaluar si dhe shqurtimin e pikave të rendit të punës të planifikuar për këtë Senacë.
Propozimin e miratimit të projekt-buxhetit për vitin 2015 dhe parashikimet buxhetore për vitin 2016-2017 e prezantoi drejtori i DBF-së Shabi Rexhallari. Ai tha se buxheti i përgjithshëm i Komunës së Hanit të Elezit për vitin 2015 është në shumë prej 2,051,844€, ndërsa parashikimet buxhetore për vitin 2016 janë në shumë prej 2,019,989€ dhe për vitin 2017 janë në shumë prej 2,044,746€.Në strukturën e të hyrave të tërësishme buxhetore për vitin 2015 të këtij propozim vendimi, mjetet nga grantet qeveritare janë në shume prej 1,795,586€, që shënojnë pjesëmarrje në shumë prej 87.51%, ndërsa nga të hyrat vetanake komunale në shumë prej 256,258€ apo 12.49%.Shpenzimet e përgjithshme buxhetore për vitin 2015 sipas kategorive ekonomike të shpenzimeve parashikohen të kenë këto ndarje: Paga dhe mëditje 1,358,378€, Mallra dhe shërbime 149,000€, Shpenzime Komunale 37,817€, Subvencione dhe transfere 50,000€ dhe Shpenzime kapitale 456,649€.
Këshilltarët njëzëri miratuan projekt-buxhetin për vitin 2015.
Këshilltarët njëzëri miratuan edhe propozim vendimin për rialokim dhe transfer të mjeteve për vitin 2014. Sipas këtij propozimi, transferi i mjeteve në total është në shumë prej 73,515.00€, nga granti qeveritar fondi 10 dhe nga të hyrat vetanake fondi 21, ku transferet janë në kategoritë ekonomike:
–Mallra dhe shërbime në shumë prej 2,675.00€,
– Shpenzime komunale në shumë prej 1,500.00€,
–Subvencione dhe transfere në shumë prej 2,240.00€ dhe –
–Shpenzime kapitale në shumë prej 67,100.00€.
Këshilltarët me disa vërejtje dhe propzime miratuan propozim ndryshimet të rregullores për tatimin në pronën e paluajtshme.
Këshilltarët shqyrtuan edhe informatën mbi fillimin e vitit të ri shkollor 2014/2015. Si dhe raportin e auditimit për vitin 2013.
Kuvendi i komunës miratioi kërkesën e firmës “Chrom Kosova” sh.p.k për dhënien e pëlqimit për hulumtim.
Zyra për Informim
