Kuvendi i komunës së Hanit të Elezit mbanë mbledhjen e katërt të rregullt për vitin 2016.
Kuvendi për rendë të ditës shqyrtoi:
1.Miratimi i procesverbalit nga mbledhje e kaluar
2.Miratimi i raportit të shpenzimeve buxhetore për periudhën Janar-Mars 2016.
3.Shqyrtimi i informatës mbi menaxhimin e mbeturinave
4.Shqyrtimi i informatës mbi ndarjen e bursave.
5.Pyetje dhe përgjigje.
Me punën e kuvendit të komunës udhëhoqi kryesuesi i kuvendit Qamush Brava ndërsa në emër të ekzekutivit ishte prezent kryetari i komunës Rufki Suma dhe drejtorët e drejtorive e të komunës së Hanit të Elezit.
Para fillimit të shqyrtimit të pikave të rendit të ditës, këshilltarëve të komunës iu drejtua kryetari Rufki Suma për të prezantuar një raport të shkurtë lidhur me zhvillimet në komunën e Hanit të Elezit.
Kryetari Suma e vlerësoi mjaft dinamikë tre mujorin e parë të vitit 2016. Ai iu referua shumë takimeve si me zyrtarë të institucioneve më të larta të vendit por edhe më përfaqësuese të donatorëve ndërkombëtar. Ai tha se gjatë këtyre takimeve janë diskutuar shumë çështje të cilat ndikojnë në zhvillimin e komunës së Hanit të Elezit.
Këshilltarët e kuvendit të komunës Miratuan raportin e shpenzimeve buxhetore për periudhën Janar-Mars 2016.
Drejtori i drejtorisë për Buxhet dhe Financa Shabi Rexhallari në prezantimin e raportit tha se buxheti i komunës së Hanit të Elezit i ndarë sipas Ligjit të Buxhetit të Republikës së Kosovës për vitin 2016 me Nr. 05/L-071 është 2,066,396.00 Euro, ndërsa ai përfundimtar është 2,195,489.66 Euro (duke përfshirë bartjen e të hyrave vetanake në shumë prej 129,093.66 Euro). Ky buxhet është ndarë sipas kategorive ekonomike si në vijim: Paga dhe mëditje 1,366,516.00 €, mallra dhe shërbime 170,000.00 €, shpenzime komunale 48,813.66 €, subvencione dhe transfere 53,546.50 € dhe shpenzime kapitale 556,613.50 €. Nisur nga vlerësimi i përgjithshëm del se niveli i shpenzimit të buxhetit për këtë periudhë janar-mars 2016 është në shumë prej 485,328.40 € apo 22.11 %. Prej tyre për paga dhe mëditje janë shpenzuar 345,645.90 € apo 25.29 %, në mallra dhe shërbime 26,373.13 € apo 15.51 %, në shpenzime komunale 14,447.37 € apo 29.60 %, në subvencione dhe transfere 4,250.00 € apo 7.94 % dhe në shpenzime kapitale 94,612 € apo 17.00 %.
Këshilltarëve të kuvendit të komunës iu prezantua informata mbi menaxhimin e mbeturinave dhe informata mbi ndarjen e bursave.
Si pikë shtesë e rendit të ditës u prezantua edhe informata nga komisioni zgjedhor i kuvendit të komunës për zgjedhjet e këshillave lokale të fshatrave, lagjeve dhe vendbanimeve.
Drejtori i Administratës i komunës së Hanit të Elezit, Fari Kalisi tha se procesi zgjedhor për këshillat lokale është zhvilluar në përputhje me rregulloren e kuvendit të komunës. Ai theksoi pjesëmarrjen shumë të lartë e qytetarëve në këto zgjedhe që siguron këshilla lokale legjitime.
