Hani i Elezit 27.02.2014
Kuvendi i Komunës së Hanit të Elezit mbanë mbledhjen e dytë të rregullt për vitin 2014 dhe për rendë të ditës shqyrtoi;
- Miratimi i procesverbalit nga mbledhja e kaluar
- Miratimi i raportit të punës së kuvendit të komunës për vitin 2013.
- Miratimi i raportit të punës së kryetarit të komunës për vitin 2013.
- Miratimi i raportit të shpenzimeve buxhetore për vitin 2013.
- Miratimi i propozim vendimit për bartjen e të hyrave vetanake komunale nga viti 2012 dhe 2013 në vitin 2014
- Shqyrtimi i informatës mbi suksesin e arritur të nxënësve në SHFMU dhe SHML në fund të gjysmëvjetorit të parë të vitit shkollor 2013-2014.
- Miratimi i planit rregullues urban për qendrën dhe lagjen e parkut në Han të Elezit.
- Miratimi i propozim vendimit për plotësimin dhe ndryshimin e komisionit për emërtimin e rrugëve.
- Propozim vendim mbi këmbimin e pronës komunale me pronën shoqërore të ish fabrikës së çimentos “Sharri” tani në menaxhim të AKP-së.
- Pyetje dhe përgjigje.
Takimit të sotëm të kuvendit të komunës së Hanit të Elezit ju ishte drejtuar një kërkesë-peticion nga një grup të banorëve të fshatit Laç, kërkesë kjo e cila ndërlidhej me pikën e nëntë të rendit të ditës, Propozim vendim mbi këmbimin e pronës komunale me pronën shoqërore të ish fabrikës së çimentos “Sharri” tani në menaxhim të AKP-së.
Ndaj kësaj kërkese pati mendime të ndryshme të këshilltarëve dhe pas konsultimit të udhëheqësve të grupeve të këshilltarëve u vendos që kuvendi të procedojë sipas rendit të ditës së propozuar.
Kuvendi i komunës pa vërejtje miratoi procesverbalin nga mbledhje e kaluar.
Në raportin e prezantuar të punës së kuvendit të komunës për vitin 2013, Kryesuesi Qamush Brava tha se gjatë vitit 2013 ka mbajtur gjithsej tetë mbledhje të rregullta dhe një mbledhje të jashtëzakonshme. Mbledhjet e kuvendit vazhdimisht janë monitoruar nga monitoruesit e Ministrisë së Administrimit të Pushtetit Lokal. Vlen të theksohet se në bazë të monitorimit nga përfaqësuesit e Ministrisë së Administrimit të Pushtetit Lokal gjatë vitit 2013 të gjitha vendimet që janë marr në kuvendin e komunës kanë qenë në përputhshmëri me ligjin.
Kuvendi i komunës gjatë vitit 2013 ka miratuar 3 rregullore, statutin e qendrës për punë sociale, dhe 29 vendime që në krahasim me vitin e kaluar ku kuvendi i komunës ka miratuar 53 vendime dhe 5 rregullore. Na mbetet për detyrë që në vitin 2014 t’i inkurajojmë qytetarët që të marrin pjesë në punimet e kuvendit tha z.Brava në prezantimin e raportit të punës i cili u miratua nga këshilltarët.
Edhe raporti i punës i kryetarit të komunës për vitin 2013 është miratuar pa shumë vërejtje nga këshilltarët.
Miratimin e raportit të shpenzimeve buxhetore për vitin 2013 e prezantoi Drejtori për Buxhet dhe Finaca Shabi Rexhallari i cili tha se buxheti i planifikuar për vitin fiskal 2013 ka qenë 1,832,040 €, ku nga financimi qeveritar ka qenë 1,482,040 €, nga të hyrat vetanake ka qenë 350,000 €, kurse më vonë nga bilancet e pashpenzuara të vitit 2012 i bartim 68,477.37 € , si dhe me rishikim te buxhetit me vendim te Qeverisë së Kosoves shtohet në shumë prej 50,000€, pastaj nga donacionet që kanë hyrë përmes xhirollogarisë në shumë prej 62,632.38€, buxheti përfundimtar është 2,013,149.75€.
Sipas raportit të prezantuar buxheti i shpenzuar nga financimi qeveritar është në shumë prej 1,536,162.47€ apo 99.59%, kurse suficiti mbetet në shumë prej 6,344.49€ apo 0.41%.
Raportit të shpenzimeve buxhetore për vitin 2013 është miratuar nga këshilltarët e kuvendit të komunës.
Kuvendi miratoi edhe Kërkesën lidhur me bilancet e pashpenzuara nga të hyrat vetanake të vitit 2012 dhe 2013 dhe bartjen e tyre në vitin vijues 2014, nëpër kategoritë ekonomike dhe programet buxhetore.
Këshilltarët e kuvendit të komunës miratuan dhe Propozim vendimin për miratimin e "Planit rregullues urban për Qendrën dhe Lagjen Parku në Han të Elezit".
Në arsyetimin e këtij propozim vendimi Drejtori i DUK, Miqail Vila tha se miratimi i këtij propozim vendimi është mjaft i rëndësishëm dhe shërben si bazë për rregullim më të mire për njësinë Qendra dhe lagjen Parku në Han të Elezit, duke dhënë udhëzime konkrete më detale në formë të një kornize rregulluese që do të mundësonte përmirësimin e jetës së qytetarëve të Komunës, duke ndikuar në ngritjen e kualitetit social, ekonomik dhe fizik të hapësirave për Qendrën dhe Parkun e Hanit të Elezit. Me disa vërejtje dhe propozime këshilltarët miratuan vendim për miratimin e planit rregullues urban për Qendrën dhe Lagjen Parku në Han të Elezit.
Kuvendi i komunës miratoi me shumicë të votave edhe propozim vendim për këmbimin e pronës komunale me pronën shoqërore të ish fabrikës së çimentos “Sharri” tani në menaxhim të AKP-së.
Kundër këtij propozimi u deklaruan grupi i këshilltarëve të PDK-së të cilët u larguan nga punimet e kuvendit të komunës për të mos marrë pjesë në votimin e këtij propozimi.
Zyra për informim
