Hani i Elezit 24.04.2014
Kuvendi i komunës së Hanit të Elezit mbajti sot mbledhjen e katërt të rregullt për vitin 2014 dhe për rendë të ditës shqyrtoi:
- Miratimi i procesverbalit nga mbledhja e kaluar.
- Miratimi i projekt rregullores për taksa, tarifa dhe ngarkesa administrative.
- Miratimi i raportit tre mujorë të shpenzimeve buxhetore për vitin 2014.
- Shqyrtimi i plotësim-ndryshimit të statutit të komunës.
- Shqyrtimi i projekt rregullores për korrje shirje.
- Miratimi i propozim vendimit të planit të punës së këshillave të fshatrave të komunës së Hanit të Elezit për vitin 2014.
- Miratimi i kërkesës për dhënien e pëlqimit për kompanin “Kromi” sh.p.k. për kryerjen e hulumtimeve me shpim.
- Miratimi i kërkesës për dhënien e pëlqimit për kompanin“Adar-am” sh.p.k për hulumtim, thyerjen dhe eksploatimin e gurit gëlqerorë.
- Pyetje dhe përgjigje.
Me seancën e kuvendit të komunës kryesoi z.Qamush Brava ndërsa ishte i pranishëm nënkryetari i komunës z.Menduh Vlashi.
Me propozim të ekzekutivit të komunës së Hanit të Elezit kuvendi zgjeroi rendin e ditës me:
-Propozim vendimi për shfuqizimin e vendimit 01 nr.74/2011
-Propozim vendimi për kyqjen e NJO-së në KRU Bifurkacioni Ferizaj
-Propozim vendimi për miratimin e listës për tri komitetet konsultative
-Kërkesën e grupit të këshilltarëve të PDK-së për anëtarin e KPF-së
Kuvendi i komunës pa vërejtje miratoi procesverbalin nga mbledhja e kaluar.
Miratimi i projekt rregullores për taksa, tarifa dhe ngarkesa administrative nga këshilltarët u vlerësua si ndër dokumentet më të rëndësishme e cila përcakton lartësinë e tarifave dhe ngarkesave administrative dhe shërbimeve të tjera komunale të cilat u ofrohen qytetarëve dhe bizneseve në territorin e Komunës. Sipas kësaj rregullore, komuna mund të vjelë të gjitha të hyrat në bazë të tarifave dhe ngarkesave dhe përcakton në veçanti për secilën tarifë dhe ngarkesë detyrat dhe obligimet e çdo drejtorie dhe shërbimi së bashku me lartësinë dhe mënyrën e pagesës. Nga këshilltarë pati shumë propozime me qëllim që kjo rregullore të jetë e pranueshme si për qytetarët ashtu edhe për komunitetin e biznesit. Propozimet ishin kryesisht në zvogëlimin e disa taksave dhe ngarkesave.Vlen të theksohet se me propozimin e këshilltares Elvira Bushi kuvendi vendosi që për të gjitha bizneset bartëse të të cilave do të jenë të gjinisë femërore të dyfishohet periudha e lehtësimeve nga taksat dhe ngarkesat varësisht nga lloji i biznesit të hapur.
Me disa propozime konkrete të këshilltarë kuvendi miratoi rregulloren për taksa, tarifa dhe ngarkesa administrative.
Kuvendi miratoi edhe raportin e shpenzimeve të mjeteve buxhetore për periudhën janar-mars 2014. Në raport u prezantua Implementimit i buxhetit për periudhën janar – mars 2014,Progresi i shpenzimeve si dhe Raporti të hyrave vetanake sipas programeve për periudhën janar – mars 2014, përmbledhja e shpenzimeve në mallra dhe shërbime, shërbimet komunale si dhe financimi vjetor i investimeve kapitale për periudhën janar – mars 2014.
Këshilltarët pa shumë vërejtje miratuan propozim Vendimin për planin e punës së Këshillave të Fshatrave të Komunës së Hanit të Elezit për vitin 2014 si dhe shqyrtimin e projekt rregullores për korrje shirje.
Kuvendi shqyrtoi plotësim-ndryshimin të statutit të komunës Në statutin e komunës së Hanit të Elezit i cili është miratuar për herë të parë në vitin 2008 dhe është hera e dytë e plotësimit.
Në plotësime planifikohet ndryshimi i emërtimit të drejtorisë së Politikave Strategjike dhe Zhvillimit Ekonomik në drejtoria për zhvillim ekonomik. Gjithashtu do të bëhet harmonizimi detyrave të drejtorive, kjo nga shkaku se drejtoritë duhet t’i kryejnë detyrat e përcaktuara sipas funksioneve dhe roleve të cilat kanë në kompetencë të tyre.Në kuadër të komunës ekzistojnë zyre konkrete që hyjnë në funksion të mbarëvajtjes së aktiviteteve të komunës. Në këtë fazë të ndryshimeve pritet të bëhet plotësimi i statutit me zyret të cilat në fakt janë funksionale, por nuk figurojnë në statutin e komunës.
Kuvendi i komunës miratoi i kërkesën për dhënien e pëlqimit për kompanin “Kromi” sh.p.k. për kryerjen e hulumtimeve me shpim, ndërsa nuk e miratoi kërkesën për dhënien e pëlqimit për kompanin“Adar-am” sh.p.k për hulumtim, thyerjen dhe eksploatimin e gurit gëlqerorë duke vlerësuar se me aktivitete e kësaj kompanie degradohet zona e propozuar për këtë veprimtari.
Kuvendi miratoi propozim vendimi për shfuqizimin e vendimit 01 nr.74/2011 dhe propozim vendimi për kyqjen e NJO-së në KRU Bifurkacioni Ferizaj
Këshilltarët miratuan edhe propozim vendimin për miratimin e listës për tri komitetet konsultative.
Kërkesa e grupit të këshilltarëve të PDK-së për anëtarin e KPF-së mbeti e pa shqyrtuar pasi që përkundër disa konsultimeve dhe propozimeve nuk u arrit pajtueshmëria. Grupi i këshilltarëve të PDK-së mbeti pranë qëndrimit që kjo çështje të rregullohet pas interpretimit ligjorë nga MAPL.
Zyra për Informim
