Hani i Elezit 29.03.2012
Kuvendi i Komunës së Hanit të Elezit mbajti mbledhjen e tretë -III- të rregullt për vitin 2012
Këshilltarët për këtë seancë të kuvendit kishin këtë:
RENDI I PUNËS
1.Miratimi i procesverbalit nga mbledhja e kaluar.
2.Miratimi i propozim vendimit lidhur me rritjen e buxhetit 2011 nga të hyrat vetanake komunale të vitit 2011
3.Miratimi i propozim vendimit lidhur me bilancet e pashpenzuara nga të hyrat vetanake të vitit 2010 dhe të vitit 2011 në vitin vijues 2012.
4.Miratimi i rregullores për Taksa ,Tarifa dhe ngarkes
5.Miratimi i projekt statutit të Bibliotekës së qytetit të Hanit të Elezit.
6.Miratimi i raportit të punës së Komitetit për Komunitete.
7.Miratimi i planit të punës së Komitetit për Komunitete
8.Miratimi i raporteve të punës së tri Komiteteve Konsultative.
9.Miratimi i planit të punës së tri Komiteteve Konsultative
10.Kërkesa e z.Muhamet Kalisi për dhënien e pëlqimit për vendosjen e gurthyesit në parcelën numër 324-0 dhe 323-0.
12.Kërkesa e z.Muhamet Kalisi për dhënien e pëlqimit komunalë për shfrytëzimin e gurit gëlqerorë në ngastrën kadastrale 1124 fleta poseduese numër 47 ,,Uji i Bardh”.
13.Kërkesa e INPO-s.
14.Pyetje dhe përgjigje.
Pas miratimit të procesverbalit nga mbledhja e kaluar i cili kaloj pa vërejtje ,këshilltarët morrën në shqyrtim pikat e rendit të ditës të planifikuara për këtë seancë.
Këshiltarët pa ndonjë vërejtje miratuan propozim vendimin për rritjen e buxhetit të vitit 2011 nga të hyrat vetanake si dhe miratuan vendimin për bartjen e bilanceve të pashpenzuara nga të hyrat vetanake për vitin 2010 dhe 2011 në vitin 2012.
Propozim vendimit për miratimin e rregullores për Taksa ,Tarifa dhe Ngarkesa i parapriu nënkryetari i komunës Muzafer Dernjani, i cili në emër të ekzekutivit propozoi që për vitin 2012 të gjitha taksat komunale për bizneset të zvogëlohen për 20% ,propozim ky i dalë nga debatet publike me qytetarët dhe komunitetin e biznesit ,por edhe si përkrahje për një ambient më të favorshëm afarist në komunën e Hanit të Elezit . Ai me këtë rast tha se ekzekutivi ka vendosur që para këshilltarëve të propozojë që të gjitha bizneset fillestare të lirohen për dy vite nga obligimet komunale,të gjitha bizneset që punësojnë deri 10 punëtorë të lirohen për tri vite ndërsa bizneset që tregojnë gadishmëri për të punësuar mbi 10 punëtorë të lirohen për pesë vite nga këto obligime.
Edhe pse si propozim u mirëprit nga këshilltarët, megjithatë pati edhe mendime të ndryshme si ai i grupit të këshilltarëve të PDK-së të cilët propozuan që kjo zbritje të shkon deri në 50% për bizneset por mos të ketë lirim për ndërmarrjet.
Pas një analize të përmbajtjes së disa pikave të rregullores ,në pjesën e klasifikimit të ndërmarjes,e cila do të shfrytëzohej si bazë unike për përcaktimin e tatimit,dhe pas një pauze për konsultime ,këshilltarët vendosë që kjo rregullore të plotësohet me këto vërejtje dhe të prezentohet në seancën e ardhëshme.
Këshilltarët pa shumë vërejtje miratuan raportet e punës dhe planet e punës të komitetit për komunitete dhe të komiteteve konsultative.
Kuvendi morri vendim që të miratojë kërkesat e Muhamet Kalisit për dhënien e pëlqimit për vendosjen e gurthyesit në parcelën numër 324-0 dhe 323-0,si dhe dhënien e pëlqimit komunal për shfrytëzimin e gurit gëlqerorë në ngastrën kadastrale 1124 fleta poseduese numër 47 ,,Uji i Bardh”.
Lidhur me kërkesë i INPO-së kuvendi obligoi ekzekutivin që të kërkojë nga KQZ-ja interpretim të Ligjit për rastin i cili është parashtruar në këtë kërkesë.
