Kuvendi i Komunës së Hanit të Elezit mbajti mbledhjen e tetë të rregullt për vitin 2015.
Kuvendi i Komunës së Hanit të Elezit shqyrtoi këto pika të rendit të ditës:
1.Miratimi i procesverbalit nga mbledhje e kaluar
2. Shqyrtimi i Raportit Gjashtëmujorë të Punës së Kryetarit të Komunës për Periudhën Janar-Qershor 2015.
3. Miratimi i Raportit financiar për periudhën Janar – Qershor 2015 për Komunën e Hanit të Elezit
4. Shqyrtimi i kërkesës të Kompanisë “Geo-BM Consulting” për dhënien e pëlqimit për ngastrën Nr 299 në zonën Kadastrale Pustenik-Komuna Hani i Elezit
5.Shqyrtimi i raportit gjashtëmujorë mbi vlerësimin e performancës së komunës
6.Shqyrtimi i Informatës mbi Raportin e Auditimit për Pasqyrat Financiare të Komunës së Hanit të Elezit për vitin përfundimtarë 31 Dhjetor 2014 si dhe planit të veprimit të Ekzekutivit për adresimin e rekomandimeve të raportit të auditimit 2014
7.Miratimi i propozim vendimit për fillimin e procedurave të shpronësimit të parcelës Nr.133-4 zona kadastrale Hani i Elezit
8. Pyetje dhe përgjigje.
Këshilltarët pa vërejtje miratuan procesverbalin nga mbledhje e kaluar.
Në prezentimin e Raportit Gjashtëmujorë të Punës së Kryetarit të Komunës për Periudhën Janar-Qershor 2015 kryetari i komunës tha se viti 2015 ishte, vit i realizimit te projekteve te mbetura nga viti i kaluar dhe i realizimit te projekteve te reja
Ndër prioritetet e administratës së komunës edhe këtë vit ishte aplikimi i ligjshmërisë, në kuadër të saj dhe
– Hartimi i rregulloreve për të përligjësuar të gjitha aktivitetet e saja
– Hartimi dhe përtërirja e infrastrukturës ligjore në kuadër të komunës
– Bashkëpunimi i komunës me qeverinë dhe faktorin ndërkombëtar në Kosovë
-Vazhdimi i kontinuitetit të projekteve të filluara në vitin 2014 dhe implementimi i projekteve prioritare për vitin 2015
-Ngritja e kapaciteteve teknike dhe njerëzore në kuadër të komunës
– Përfundimi i projektit në objektit të QPS-së dhe kalimi i stafit në objekt të ri.
– Riparimi i kompleksit te Varrezave te Dëshmorëve,
Në kudër të këtij bashkëpunimi janë konkretizuar edhe disa marrëveshje të bashkëpunimit për të realizuar edhe disa projekte të rëndësishme të planifikuara për vitin 2015.
Kuvendi i komunës shqyrtoi edhe raportin financiar për periudhën Janar – Qershor 2015 për Komunën e Hanit të Elezit të cilin e prezentoi Drejtori për buxhet dhe Financa Shabi Rexhallari.
Ai tha se Raporti financiar për periudhën janar-qershor 2015, është përgatitur në bazë të dizpozitave të nenit 45, paragrafët 45.2 dhe 45.4 dhe nenit 46 paragrafët 46.1 dhe 46.2 të Ligjit Nr. 03/L-048 “Për Menaxhimin e Financave Publike dhe Përgjegjësive” dhe statutin e komunës Hani i Elezit.
Raporti financiar për periudhën janar-qershor 2015 ka për qëllim të informimit objektiv lidhur me ecurinë dhe treguesit relevant rreth përmbushjes së planit, grumbullimit të mjeteve sipas burimeve, përmbushjes së obligimeve të planifikuara sipas planprogrameve, dinamikës së mjeteve të shpenzuara sipas natyrës së shpenzimeve dhe kategorive të percaktuara buxhetore, rrjedhën e parasë si dhe treguesit tjerë që kanë treguar në rezultatet e përgjithshme për këtë periudhë gjashtëmujore. Buxheti i komunës së Hanit të Elezit i ndarë sipas Ligjit të Buxhetit të Republikës së Kosovës për vitin 2015 me Nr. 05/L-001 është 2,051,844.00 Euro, ndërsa ai përfundimtar është 2,096,086.55 Euro (duke përfshirë edhe bartjen e të hyrave vetanake në shumë prej 44,242.55€).
Ky buxhet është ndarë sipas kategorive ekonomike si në vijim: Paga dhe mëditje 1,359,716.80€, mallra dhe shërbime 170,000.00€, shpenzime komunale 45,638.65 €, subvencione dhe transfere 50,082.10 € dhe shpenzime kapitale 470,649.00 €. Pjesën më të madhe të këtij buxheti e kanë pagat dhe mëditjet me 64.87%, shpenzime kapitale me 22.45%, mallrat dhe shërbimet me 8.11%, subvencionet dhe transferet me 2.39% dhe shpenzimet komunale me 2.18%.
Nisur nga vlerësimi i përgjithshem del se niveli i realizimit të përgjthshëm për këtë periudhë janar-qershor 2015 është në shumë prej 905,805.17€ apo 43.21%.
Prej tyre 666,531.80 € (49.02%) janë shpenzuar në paga dhe mëditje, 79,894.87 € (47.00%) në mallra dhe shërbime, 28,701.94 € (62.89%) në shpenzime komunale, 17,150.00 € (34.24%) në subvencione dhe transfere dhe 113,522.60 € (24.12%) në shpenzime kapitale.
Ky raportë është miratuar me shumicë të votave të këshilltarëve.
Kuvendi miratoi edhe kërkesën e Kompanisë “Geo-BM Consulting” për dhënien e pëlqimit për ngastrën Nr 299 në zonën Kadastrale Pustenik-Komuna Hani i Elezit.
Bislim Muqa drejtorë i kësaj kopanie, para këshilltarëve u zotua se kjo kompani do të jetë në interes të komunës së Hanit të Elezit dhe komunitetit pasi që do të ndikojë në përmirësimin e infrastrukturës dhe punësimit
Para kuvendit të komunës u prezentuan raporti gjashtëmujorë mbi vlerësimin e performancës së komunës dhe Informata mbi Raportin e Auditimit për Pasqyrat Financiare të Komunës së Hanit të Elezit për vitin përfundimtarë 31 Dhjetor 2014 si dhe planit të veprimit të Ekzekutivit për adresimin e rekomandimeve të raportit të auditimit 2014.
Kuvendi i komunës miratoi edhe propozim vendimin për fillimin e procedurave të shpronësimit të parcelës Nr.133-4 zona kadastrale Hani i Elezit
