Hani i Elezit 31.01.2014
Kuvendi i Komunës së Hanit të Elezit mbajti mbledhjen e parë të rregullt për vitin 2014.
Kryesuesi i Kuvendit Qamush Brava para këshilltarëve propozoi këtë rendë të ditës;
1.Betimi i anëtarit të kuvendit të Komunës z.Isni Bushi.
2.Miratimi i procesverbalit nga mbledhja e kaluar.
3.Propozim vendim për miratimin e buxhetit për vitin 2014 dhe parashikimet buxhetore për vitin 2015-2016 për komunën e Hanit të Elezit.
4.Propozim vendim për themelimin e Komitetit për Politik dhe Financa.
5.Propozim vendim për themelimin e Komitetit për Komunitete.
6.Propozim vendim për themelimin e Këshillit Komunal për Siguri në Bashkësi.
7.Propozim vendim për caktimin e kritereve dhe shpalljen e konkursit për Komitetet Konsultative.
8.Miratimi i planit të punës së kuvendit të komunës për vitin 2014.
9.Miratimi i planit të punës së kryetarit të komunës për vitin 2014.
10.Pyetje dhe përgjigje.
Me propozim të këshilltarit Mirsad Shkreta dhe me përkrahjen edhe të këshilltarëve tjerë, pika e tretë; Propozim vendim për miratimin e buxhetit për vitin 2014 dhe parashikimet buxhetore për vitin 2015-2016 për komunën e Hanit të Elezit është zhvendosur pas pikave të themelimit të komiteteve të propozuara.
Pas miratimit të rendit të ditës këshilltarëve iu drejtuae Kryetari i Komunës së Hanit të Elezit për ta prezantuar përbërjen e ekzekutivit të ri të komunës së Hanit të Elezit.
Kryetari i komunës së Hanit të Elezit fillimisht përshëndeti të pranishmit duke ju uruar punë të mbarë legjislacionit të zgjedhur të komunës së Hanit të Elezit.Kryetari Rufki Suma tha se në bazë të nenit 58 të Ligjit për Vetqeverisje Lokale paragrafi f. dhe statutit të Komunës neni 67 dhe pas dhënies të betimit me datë 23.12.2013 kamë emëruar ekzekutivin e komunës së Hanit të Elezit me këtë përbërje:
Menduh Vlashi –Nënkryetarë i Komunës së Hanit të Elezit
Fari Kalisi- Drejtorë i Administratës së Përgjithshme
Shabi Rexhallari – Drejtorë për Buxhet dhe Financa
Irfan Qajani-Drejtorë për Arsim, Kulturë, Rini dhe Sport
Miqail Vila- Drejtorë për Urbanizëm, Kadastër dhe Mbrojtje të Mjedisit
Muzafer Dernjani- Drejtorë i Shëndetësisë dhe Mirëqenie Sociale
Refet Kalisi-Drejtorë për Shërbime Publike dhe Emergjencë Civile
Sevime Laçi – Drejtorë për Zhvillim Ekonomik
Hajredin Gashi – Drejtorë për Bujqësi, Pylltari dhe Zhvillim Riral
Kryetari i komunës Rufki Suma me këtë rast tha se shpreson në frymë të bashkëpunimit duke u zotuar se do të egzekutojë të gjitha vendimet të cilat do të miratohen në kuvendin e komunës.
Pas fjalës së kryetarit Rufki Suma, kryesuesi i kuvendit Qamush Brava ftoi anëtarin e ri Isni Bushi që jepë betimin solemn për marrjen e mandatit të këshilltarit të ri të kuvendit të komunës.
Në vazhdim të seancës kuvendi i komunës mori vendim për themelimin e Komitetit për Politik dhe Financa, Komitetit për Komunitete si dhe Këshillit Komunal për Siguri në Bashkësi. Me disa vrejtje dhe propozime, kuvendi i komunës miratoi me shumicë të votave Propozim vendim për miratimin e buxhetit për vitin 2014 dhe parashikimet buxhetore për vitin 2015-2016 për komunën e Hanit të Elezit .Kuvendi i Komunës miratoi edhe Propozim vendim për caktimin e kritereve dhe shpalljen e konkursit për Komitetet Konsultative si dhe planin e punës së kuvendit të komunës për vitin 2014 dhe planin e punës së kryetarit të komunës për vitin 2014.
Zyra për informim
