Kuvendi i komunës së Hanit të Elezit mbajti mbledhjen e njëmbëdhjetë të rregullt për vitin 2014.
Kuvendi për rendë të ditës shqyrtoi:
1.Procesverbalin nga mbledhje e kaluar
2. Miratimi i plotësim ndryshimit të rregullores për përgjegjësinë disiplinore dhe materiale të punëtorëve arsimor, sjellje dhe disiplinë të nxënësve për shkollat fillore dhe të mesme të ulëta, dhe të mesme të larta në Komunën e Hanit të Elezit.
3.Miratimi i Rregullores për rrugë lokale dhe rrugët në vendbanime.
4.Shqyrtimi i plotësim ndryshimit të rregullores për ndarjen e bursave për studentët në komunën e Hanit të Elezit.
5.Pyetje dhe përgjigjeje.
Me punën e kuvendit udhëhoqi kryesuesi i kuvendit z.Qamush Brave ndërsa nga ekzekutivi prezantuan Nënkryetari i komunës Menduh Vlashi dhe drejtorët e drejtorive përkatëse.
Këshilltarët e kuvendit të komunës pa vërejtje miratuan procesverbalin nga mbledhja e kaluar.
Miratimin dhe plotësim ndryshimin e rregullores për përgjegjësinë disiplinore dhe materiale të punëtorëve arsimor, sjellje dhe disiplinë të nxënësve për shkollat fillore dhe të mesme të ulëta, dhe të mesme të larta në Komunën e Hanit të Elezit e prezantoi Drejtori i DKA-së Irfan Qajani i cili tha se këto ndryshime vinë në përputhje me disa ndryshime bazuar në ndryshimet mbi Ligjin e Arsimit si dhe Udhëzimeve të reja administrative.
Këshilltarë me disa propozime konkrete kontribuan që miratimi i kësaj rregulloreje të kontribuojë në ngitjen e cilësië në arsimin e komunës së Hanit të Elezit si dhe të precizohen përgjegjësit disiplinore të nxënësve dhe stafit arsimorë.
Këshilltarët pa vërejtje miratuan Rregulloren për rrugë lokale dhe rrugët në vendbanime.
Kuvendi i komunës vendosi që rregulloren për ndarjen e bursave për studentët në komunën e Hanit të Elezit.ta përcjellë për debat publik duke u zotuar se do të angazhohen që në këto debate të japin kontributin e tyre.
