Hani i Elezit 27.06.2013
Kuvendi i Komunës së Hanit të Elezit mbajti mbledhjen e gjashtë të rregullt për vitin 2013 me këtë rend pune:
- Miratimi i procesverbalit nga mbledhja e kaluar.
- Miratimi i draft kornizës afat mesme buxhetore e komunës së Hanit të Elezit për vitin 2014-2016.
- Miratimi i propozim vendimit për formimin e komisionit për emërtimin e rrugëve.
- Miratimi i propozim vendimit për shpalljen me interes të përgjithshëm të pronës publike.
- Miratimi i propozim vendimit për miratimin e tarifës për leje ndërtimore dhe infrastrukturore.
- Shqyrtimi i draft rregullores për tatim në pronën e paluajtshme.
- Miratimi i projekt rregullores për ndarjen e subvencioneve.
- Miratimi i Statutit të QPS-së.
- Shqyrtimi i draft propozimit për caktimin e kritereve për prioritizimin e investimeve kapitale në komunën e Hanit të Elezit.
- Miratimi i kërkesës për pëlqim për hulumtime gjeologjike me shpim në licencën Hasallari.
- Shqyrtimi i çështjes së sigurisë dhe çështja e emërimit të komandantit të policisë në stacionin policorë në Han të Elezit.
- Pyetje dhe përgjigje.
Kuvendi i komunës së Hanit të Elezit mbajti mbledhjen e gjashtë të rregullt për vitin 2013. Seancën e udhëheqi kryesuesi i kuvendit z. Menduh Vlashi ndërsa në seancë ishte prezent edhe kryetari i komunës Rufki Suma.
Pas miratimit të rendit të ditës, fjalën e morri këshilltari Zylbehar Hasallari njëherit Kryetarë i Degës së Lidhjes Demokratike në Han të Elezit i cili në emër të grupit të këshilltarëve të LDK-së e njoftoi kryesuesin e kuvendit të komunës se që nga kjo mbledhje këshilltari Qamush Brava më nuk do të jetë kryetarë i këtij grupi të këshilltarëve. Këshilltari Zylbehar Hasallari e njoftoi kryesuesin Vlashi se ky grup ka emëruar znj.Hyrijete Isufi si kryetarë të grupit të këshilltarëve të LDK-së në Kuvendin e Komunës, ndërsa lidhur me veprimet e mëtutjeshme rreth këshilltarit Qamush Brava do të njoftohet me shkrim.
Këshilltarët e kuvendit të komunës pa shumë vërejtje miratuan draft kornizën afat mesme buxhetore e komunës së Hanit të Elezit për vitin 2014-2016.
Miratimin e propozim vendimit për formimin e komisionit për emërtimin e rrugëve e arsyetoi Drejtori për Urbanizëm dhe Kadastër z. Miqail Vila .Ai tha se Komuna e Hanit të Elezit në bashkpunim me Agjensionin Kadastral të Kosovës janë duke implementuar projektin për regjistrimin e adresave në Komunën e Hanit të Elezit, i cili është duke u financuar nga Komisioni Evropian. Projekti është në fazën e implementimit dhe nevojitet emërtimi i rrugëve të pa emërtuara të identifikuara në komunën e Hanit të Elezit.Drejtoria për Urbanizëm Kadastër dhe Mbrojtje të Mjedisit kërkon nga Kuvendi Komunal i Hanit të Elezit që të formojë një Komision për emërtimin e rrugëve të identifikuara në tërë teritorin e Komunës, të cilat i plotësojnë kriteret për emërtim sipas këtij projekti.Komisionit të formuar nga Kuvendi Komunal për emërtimin e rrugëve të identifikuar, do tu jepet dokumentacioni i nevojshëm që do ti shërbej gjatë punës së tyre. Komisioni për emërtimin e rrugëve përbehet prej 7 ( shtatë ) anëtarëve prej të cilëve 3 nga Kuvendi i Komunës, 3 ( tre ) nga Ekzekutivi dhe nga 1 (një) nga Administratorët e fshatrave. Komisioni do të bashkëpunoj me zyrën për Urbanizëm, kadastër dhe mbrojte të ambientit, në mënyrë që të marrë të gjitha format digjitale të rrugëve në mënyrë që procesi të jetë sa më i saktë
Kuvendi i komunës propozoi që anëtarë të komisionit të jenë Sali Vila nga LDK, Mefail Suma nga PDK dhe Menduh Vlashi nga AAK,ndërsa nga ekzekutivi i komunës anëtarë të komisionit do të jenë Drejtori i DUK-së ,Kujtim Dernjani dhe Durim Dernjani .Këtij komisioni do ti bashkëngjitet edhe kryetari i këshillit lokal ku do të bëhet emërimi i rrugëve.
Propozim vendimit për shpalljen me interes të përgjithshëm të pronës publike bëhet pas kërkesës të bërë në AKP për bartjen e këtyre pronave në pronësi të komunës tha Drejtori i DUK Miqail Vila.Zyratrët e AKP-së kanë dalë në vend të ngjarjes dhe kanë vizituar çdo parcelë dhe pas identifikimit dhe vlerësimit na kanë sugjeruar se AKP nuk ka kompetencë për bartje të pronësisë dhe se mënyra më e mirë për bartjen e këtyre pronave është shpallja e tyre me interes të përgjithshëm për kuvendin e komunës.Kjo pikë ngjalli mjaft debat ndërmjet këshilltarë të cilët kishin problem në identifikimin e pronave si dhe njohurive për disa procese ligjore që janë në zhvillim e sipër rreth disa pronave të cilat ishin në diskutim.Këshilltarë miratuan me dy vota abstenim propozim vendimin për shpalljen me interes të përgjithshëm të pronës publike.
Këshilltarët pa shumë vërejtje miratuan draft rregulloren për tatim në pronën e paluajtshme, projekt rregullores për ndarjen e subvencioneve, Miratimin e Statutit të QPS-së, Miratimi i kërkesës për pëlqim për hulumtime gjeologjike me shpim në licencën Hasallari si dhe Shqyrtimi i draft propozimit për caktimin e kritereve për prioritizimin e investimeve kapitale në komunën e Hanit të Elezit të cilën në detale e elaboroi përfaqësuesi i LOGOS-it .
Lidhur me Shqyrtimin e çështjes së sigurisë dhe çështja e emërimit të komandantit të policisë në stacionin policorë në Han të Elezit këshilltarëve iu drejtua kryetari i komunës Rufki Suma. Ai tha se çështja e sigurisë në komunën e Hanit të Elezit shqyrtohet në kuadër të takimeve të rregullta të KKSB-së. Përveç tyre unë si kryetarë komune në kontakte të rregullta pranojë të gjitha informatat nga Stacioni Policorë në Han të Elezit. Ajo qka mundë të ju them se në të gjitha raportet e MPB-së komuna e Hanit të Elezit vlerësohet si komuna më e qetë sa i përketë numrit të rasteve të raportuara. Kur të kemi parasysh se komuna e Hanit të Elezit është komunë kufitare që është e lëndueshme nga forma të ndryshme të kalimeve ilegale atëherë numri i rasteve të raportuara është edhe më i vogël.Megjith atë edhe pë rastet që janë raportua afro 60 kryesisht vjedhje dhe thyerje të objektev private 40 raste tashmë janë ndriçuar. Shenjëzimi i rrugëve si dhe aksionet me të shpeshte të policisë kanë shtuar sigurinë në komunikacion. Çështja e emërimit të komandantit të policisë në stacionin policorë në Han të Elezit për kryetarin Suma ka qenë çështje që është e rregulluar sipas ligjeve në fuqi. Përkundër insistimeve të mija që punësimit në komunën e Hanit të Elezit të ju ipet prioritet kuadrove vendore megjithatë në rastin në fjalë ka qenë fuqia e ligjit ajo që ka përcaktuar emërimin e komandantit të stacionit policorë në Han të Elezit tha z. Suma.
