Kuvendi i Komunës së Hanit të Elezit mbajti mbledhjen e dytë të rregulltë për vitin 2015 dhe për rendë të punës kishin;
1.Miratimi i procesverbalit nga mbledhja e kaluar
2.Miratimi i raportit të punës së Kuvendit të Komunës për vitin 2014
3.Miratimi raportit të punës të kryetarit të komunës për vitin 2014
4.Miratimi i draft planit tre vjeçarë të banimit për Komunën e Hanit të Elezit
5.Miratimi i raportit të shpenzimeve buxhetore për vitin 2014
6.Miratimi i propozim vendimit për shtimin e projektit “Blerja e kamionit për mbeturina” në listën e projekteve kapitale për vitin 2015.
7.Miratimi i bartjes (rialokimi) të buxhetit të pashpenzuar nga viti i kaluar në vitin aktual
8.Miratimi i projekt rregullores për taksa, tarifa dhe ngarkesa administrative
9.Informatë mbi suksesin e arritur të nxënësve të SHFMU dhe SHML në fundë të gjysëmvjetorit të parë të vitit shkollorë 2014-2015.
10.Pyetje dhe përgjigje.
Me punën e kuvendit të komunës udhëheqi kryesuesi i kuvendit z.Qamush Brava ndërsa në emër të ekzekutivit ishin present kryetari i komunës Rufki Suma dhe drejtorët e drejtorive përkatëse.
Pas miratimit të procesverbalit raportin e punës së Kuvendit të Komunës për vitin 2014 e prezantoi kryesyesi Qamush Brava i cili tha se Kuvendi i komunës gjatë vitit 2014 ka planifikuar që t’i mbajë dymbëdhjetë mbledhje. Gjatë vitit 2014 ka mbajtur gjithsej dymbëdhjetë mbledhje të rregullta dhe një mbledhje të jashtëzakonshme. Mbledhjet e kuvendit vazhdimisht janë monitoruar nga monitoruesit e Ministrisë së Administrimit të Pushtetit Lokal. Vlen të theksohet se në bazë të monitorimit nga përfaqësuesit e Ministrisë së Administrimit të Pushtetit Lokal gjatë vitit 2014 të gjitha vendimet që janë marr në kuvendin e komunës kanë qenë në përputhshmëri me ligjin. Gjithashtu mbledhjet janë monitoruar edhe nga OSBE, kanë marr pjesë KFOR-i dhe përfaqësues të OJQ-ve si IMPO, Handikos-i etj. Vlen të theksohet se transparenca ka qenë e nivelit mjaft të mirë pasi që mbledhja është thirr me kohë dhe është publikuar në tabelë ashtu edhe në Web faqe zyrtare të komunës .
Bashkëpunimi me kryetarin e komunës dhe me ekzekutivin ka qenë i nivelit shumë të mirë.
Mbledhjet e kuvendit të komunës vazhdimisht sipas rregullores së punës ju ka parapri mbledhja e Komitetit për Politik dhe Financa në të cilat mbledhje në shumicën e rasteve jemi dakorduar unanimisht për pikat e rendit të punës për kuvend.
Punën e kuvendit të komunës gjatë këtij viti e ka përcjell një frymë e bashkëpunimit si me pozitën ashtu edhe me opozitën por vlen të theksohet se kuvendi i komunës në vitin 2014 ka miratuar buxhetin për vitin 2015.
Mbledhjet e kuvendit kanë qenë të hapura për publikun por edhe pse vazhdimisht i kemi njoftuar qytetarët për një të drejtë të tyre për pjesëmarrje, kemi pas raste ku qytetarët kanë marr pjesë në punën e kuvendit. Na mbetet për detyrë që në vitin 2015 t’i inkurajojmë qytetarët që të marrin pjesë në punimet e kuvendit.
Kuvendi i komunës gjatë vitit 2014 ka miratuar 6 rregullore, plotësim ndryshimin e statutit të komunës, dhe 58 vendime që në krahasim me vitin e kaluar ku kuvendi i komunës ka miratuar 29 vendime dhe 3 rregullore.
Ndërsa kryetari i komunës Rufki Suma prezentoi raportin e punës të kryetarit të komunës për vitin 2014.Kryetari Suma tha se përkundër shumë vështërsive me të cilat janë përballur gjatë vitit 2014 janë realizuar objektivat e planifikuara.Bllokada institucionale me moskonstituimin e oragneve qendrore ka bërë që në disa raste të hasim në vështërsi në implemntimin e projekteve të planifikuara por tha kryetari Suma fundin e vitit e përmbyllëm me realizimin e shumicës së projeketeve të planifikuara. Ai me këtë rast falënderoi edhe këshilltarë e kuvendit të komunës për mirëkuptimin për përkrahjen për përmbylljen me sukses të vitit 2014.
Këshilltarët pa vërejtje miratuan planin tre vjeçarë të banimit për Komunën e Hanit të Elezit me të cilën synohet që të vendoset rend në adresimin e çështjeve të banimit në komunë për të ofruar banim me qira joprofitabile për kategoritë e popullatës që nuk kan fuqi ekonomike për të paguar qira në tregun e lire të banesave.
Këshilltarët e kuvendit të komunës me shumicë të votave miratuan raportin e shpenzimeve buxhetore për vitin 2014.
Në raportin e prezantuar nga Drejtori për Buxhet dhe Financa Shabi Rexhallari u tha se buxheti i planifikuar për vitin fiskal 2014 ka qenë 1,832,040.00 €, ku nga financimi qeveritar ka qenë 1,482,040.00 €, nga të hyrat vetanake ka qenë 350,000.00 €, kurse nga bilancet e pashpenzuara të vitit 2013 i bartim edhe 27,183.13 €, pastaj pas marrjes së vendimit nga Qeveria e Republikës së Kosovës për rritjen e pagave prej 25%, kemi mjete shtesë në masë monetare prej 165,985.05 € për mbulimin e kategorisë paga dhe mëditje. Buxheti në fund per vitin 2014 është 2,025,181.18 €. Buxheti i shpenzuar nga financimi qeveritar është në shumë prej 1,620,495.30€ apo 98.33%, kurse mjetet tjera në shumë prej 27,420.00€ apo 1.66% janë mjete që Qeveria e Kosovës ka bërë kursimin në kategorinë mallra dhe shërbime në nivelin prej 15% për mbulimin e pagave, ndërsa suficiti që mbetet është 82.75€ apo 0.01%.
Këshilltarët unanimisht përkrahën i propozim vendimin për shtimin e projektit “Blerja e kamionit për mbeturina” në listën e projekteve kapitale për vitin 2015 si dhe bartjen (rialokimi) të buxhetit të pashpenzuar nga viti i kaluar në vitin aktual.
Me disa propozime konkrete nga këshilltarët është projekt rregullorja për taksa, tarifa dhe ngarkesa administrative e cila do të përcillet edhe për debat publik.
Ndërsa Drejtori i Drejtorisë për Arsim Kulturë Rini dhe Sport Irfan Qajani para këshilltarëve prezentoi informatën mbi suksesin e arritur të nxënësve të SHFMU dhe SHML në fundë të gjysëmvjetorit të parë të vitit shkollorë 2014-2015.
