Kuvendi i komunës së Hanit të Elezit mbanë mbledhjen e pestë të rregullt për vitin 2015 dhe pë rendë të ditës shqyrtoi:
1.Miratimin e procesverbalit nga mbledhje e kaluar
2.Shqyrtimin e e informatës për mbrojtjen e mjedisit
3.Shqyrtimin e informatës mbi bashkëpunimin e komunës me këshillat e fshatrave
4.Shyrtimi i rregullores për menagjimin e mbeturinave
5.Miratimi i propozim vendimit për fillimin e procedurave të shpronsimit të parcelës nr.133-4 zona kadastrale Hani I Elezit
6.Pyetje dhe përgjigje.
Me punën e kuvendit udhëheqi Kryesuesi i Kuvendit të Komunës z.Qamush Brava ndërsa në emër të ekzekutivit present ishte KryetariiI Komunës z.Rufki Suma.
Para fillimit të punës, Kuvendi miratoi deklaratën lidhur me Vendimin e Gjykatës Themelore në Mitrovicë, për të dënuar me burg disa pjesëtarë të Ushtrisë Çlirimtare të Kosovës të njohur si Grupi i Drenicës për krime lufte të cilën e lexoi Kryetari i komunës Rufki Suma.
Pas miratimit të Procesverbalit kuvendi vendosi që pikën e Miratimi i propozim vendimit për fillimin e procedurave të shpronsimit të parcelës nr.133-4 zona kadastrale Hani i Elezitta procedoj në ndonjë séance të ardhëshme për shkak të nevojës për informatat plotësuese.
Kuvendi me prpozim të ekzekutivit miratoi edhe dy pika shtesë të rendit të punës:
– Miratimi i propozim vendimit për ndarjen e mjeteve financiare për “Javën Kulturore” 2015 në Komunën e Hanit të Elezit
-Miratimi i propozim vendimi për rishikimin e buxhetit për vitin 2015 për kategoritë ekonomike: paga dhe mëditje, mallra dhe shërbime, shpenzime komunale, si dhe shpenzime kapitale.
Në shqyrtimin e informatës për mbrojtjen e mjedisit, u tha se Drejtoria për Urbanizëm, Kadastër dhe Mbrojtje te Mjedisit (DUKMM) gjegjësisht Komuna e Hanit te Elezit në vazhdimësi përcjellë dhe ndërmerr masa për parandalimin dhe përmirsimin e gjendjes mjedisore si: ndalimi i hedhjes së mbeturinave, pengimi i ndotjes së lumenjve,ndotjes së ajrit,tokës si dhe kontrollimi i gurthyeseve dhe ndotësve tjerë lidhur me veprimtarinë e tyre në harmoni me ambientin e pastër në tërë territorin e Komunës.
Në prezentimin e informatës mbi bashkëpunimin e komunës me këshillat e fshatrave drejtori i Drjtorisë së Administratës Fari Kalisi prezantoi disa aktivitete cilat janë ndërmarrë në kuadër të bashkëpunimin e komunës me këshillat e fshatrave.
Ndërsa Drejtori i Drejtorisë për Shërbime Publike Refet Kalisi para këshilltarëve prezentoi rregulloren me të cilën përcaktohet orari, sistemi dhe kushtet për mënyrën e mbledhjes, ndarjes, përpunimit dhe riciklimit të mbeturinave, llojin, numrin dhe mënyrën e shpërndarjes dhe vendosjes së kontejnerëve, mirëmbajtja e vendeve ku grumbullohen ato dhe mënyrën e transportimit.Kjo rregullore me miratimin e këshilltarëve do të prezentohet edhe në debat publik para qytetarëve të komunës së Hanit të Elezit.
Kuvendi i komunës miratoi edhe propozimin e Drejtorit për Arsim, Kulturë, Rini dhe Sport Irfan Qajani për ndarjen e mjeteve financiare për “Javën Kulturore” 2015 ku janë ë përfshira të gjitha aktivitetet kulturore dhe sportive është në vlerë prej 4,145.00€.
Kuvendi miratoi edhe propozim vendimin për rishikimin e buxhetit për vitin 2015 për kategoritë ekonomike: paga dhe mëditje, mallra dhe shërbime, shpenzime komunale, si dhe shpenzime kapitale.Sipas këtij vendimi, rishikimi i mjeteve në total është në shumë prej 100,294 €, ku transferet janë në kategoritë ekonomike paga dhe mëditje në shumë prej 13,000 €, mallra dhe shërbime në shumë prej 2,100 €, shpenzime komunale në shumë prej 3,100 € dhe shpenzime kapitale në shumë prej 82,094.00€.
.
