Kuvendi i Komunës së Hanit të Elezit mbajti mbledhjen e nëntë IX- të rregullt për vitin 2012 me këtë rendë të punës:
- Miratimi i procesverbalit nga mbledhja e kaluar.
- Miratimi i raportit të buxhetit për periudhën janar-shtator 2012.
- Miratimi i propozim vendimit për zgjerim të listës së projekteve kapitale.
- Miratimi i propozim vendimit për rialokim të mjeteve nga kategoria ekonomike shpenzime kapitale.
- Miratimi i propozim vendimit për formimin e komisionit për zgjidhjen e këshillave të fshatit .
- Shqyrtimi i draft rregullores për organizimin e kompetencave dhe përgjegjësit e organeve të administratës komunale.
- Miratimi i kërkesës së z.Nexhmedin Brava për shfrytëzimin e parcelës Nr.1046-0 për ndërtimin e një objekti hotelerik – restorant
- Pyetje dhe përgjigje.
Pas miratimit të rendit të ditës dhe procesverbalin nga mbledhje e kaluar këshilltarët e kuvendit komunal shqyrtuan ,,Raportin e buxhetit për periudhën Janar – Shtator 2012”
Sipas raportit të prezantuar nga Drejtoria për Buxhet dhe Finaca në periudhën janar- shtator 2012 rezulton se nga 1.774.684.30 € të buxhetit të rishikuar të vitit 2012 deri me 31 shtator 2012 janë shpenzuar 1.120.440.20 € ose 63.13%.
Edhe pse nga disa këshilltarë kishte vërejtje se ka vonesa në shpenzimet buxhetore për të cilat drejtori për buxhet dhe financa Shabi Rexhallari tha se pas përgatitjes së raportit janë bërë alokime të mjeteve edhe për disa projekte të cilat në ndërkohë janë iniciuar dhe që janë në zhvillim dhe se gjendja momentale e shpenzimit buxhetorë është në dinamikën e planifikua.
Gjendje e njejtë paraqitet edhe në dinamikën të hyrave vetanake . Nga 250.000.00 € e planifikuar për vitin 2012 , deri më 31 shtator janë grumbulluar 174.424,16 € ose 70% e planifikimeve.
Pas një debati të frytshëm të këshilltarëve lidhur me raportin në fjalë, këshilltarët miratuan me shumicë të votave raportine buxhetit për periudhën janar- shtator 2012.
Këshilltarët e kuvendit komunal pa shumë vërejtje miratuan propozim vendimin për zgjerim të listës së projekteve kapitale si dhe propozim vendimin për rialokim të mjeteve nga kategoria ekonomike shpenzime kapitale.
Këshilltarët miratuan edhe propozim vendimin për formimin e komisionit për zgjidhjen e këshillave të fshatit.
Me këtë vendim 5 anëtarët e komisionit për zgjedhjen e këshillave të fshatit do të jenë:Qamush Brava këshilltarë nga LDK , Latifete Fida këshilltarë nga PDK , Fari Kalisi ,Drejtorë i Administratës , Irfan Qajani nga Shoqëria Civile si dhe një anëtarë do të jetë përfaqësuese nga fshati përkatës.
Këshilltarë pa vërejtje miratuan rregulloren për organizimin e kompetencave dhe përgjegjësit e organeve të administratës komunale si dhe dhanë pëlqimin në kërkesës e z.Nexhmedin Brava për shfrytëzimin e parcelës Nr.1046-0 për ndërtimin e një objekti hotelerik – restorant.
Zyra për Informim
