Hani i Elezit 30.10.2014
Kuvendi i Komunës së Hanit të Elezit mbajti mbledhjen e dhjetë të rregullt për vitin 2014
dhe për rendë të ditës shqyrtoi:
1.Miratimi i procesverbalit nga mbledhje e kaluar
2.Miratimi i Planit të Punës të Kuvendit të Komunës për vitin 2015
-3.Shqyrtimi i Raportit të shpenzimeve të mjeteve buxhetore për periudhën janar-shtator 2014
4.Shqyrtimi i raportit të DKA-së mbi suksesin e arritur për fundin e vitit shkollorë 2013/14 në SHFMU dhe SHML.
5.Shqyrtimi i draft Rregullores për rrugët lokale dhe rrugët në vendbanime.
6.Shqyrtimi i ankesës së Bashkësisë Islame
7.Pyetje dhe përgjigjeje
Me punën e kuvendit udhëheqi kryesuesi i kuvendit Qamush Brava ndërsa ishin prezent edhe kryetari i komunës Rufki Suma dhe drejtorët e drejtorive përkatëse.
Anëtarët e kuvendit pa vërejtje miratuan procesverbalin nga mbledhja e kaluar.
Kuvendit i Komunës së Hanit të Elezit për vitin 2015 planifikon t’i mbajë gjithsej njëmbëdhjetë mbledhje të rregullta dhe çdo mbledhje të kuvendit do ti paraprin mbledhja e Komitetit për Politikë dhe Financa. Të gjitha mbledhjet e rregullta të Kuvendit të Komunës do të jenë të hapura për qytetarë dhe përfaqësues të mediave publike. Nëse ndonjë mbledhje e rregullt apo pjesë e mbledhjes do të mbahet me dyer të mbyllura atëherë për këtë duhet të vendosë Kuvendi i Komunës. Nëse mbledhja mbahet me dyer të hapura në mbledhjet mund të marrin pjesë qytetarët dhe përfaqësues të mediave në përputhje me kushtet dhe mundësitë fizike.Këto janë disa nga pikat të cilat këshilltarët e kuvendit i miratuan në kuadër të planit të punës për vitin 2015.
Kuvendi i komunës miratoi edhe raportin shpenzimeve të mjeteve buxhetore për periudhën janar-shtator 2014.Në debatin rreth këtij raporti u potencuan vështërsit në implementimin e disa projekteve e cila ka ardh si pasojë e zhvillimeve politike në nivel të vendit të cilat në masë të madhe kanë komplikuar projektet e planifikuara në të gjitha kategoritë bugjetore.
Këshilltarët miratuan raportin mbi suksesin e arritur për fundin e vitit shkollorë 2013/14 në SHFMU dhe SHML të prezantuar nga DKA-ja. Ata me këtë rast i dhanë përkrahje dhe inkurajuan Drejtorin e Arsimit për masat e planifikuara në ngritjen e performancës në arsimin e komunës së Hanit të Elezit.
Kuvendi miratoi draft Rregulloren për rrugët lokale dhe rrugët në vendbanime.Sipas kësaj rregullore të propozuar, përcaktohet pozita juridike e rrugëve publike, ndërtimi, mirëmbajtja e rrugëve, masat mbrojtëse, qeverisja dhe mbikëqyrja e rrugëve lokale dhe atyre në vendbanime, në territorin e Komunës së Hanit të Elezit.
Këshilltarët e kuvendit të komunës shqyrtuan edhe ankesën e Këshillit të bashkësisë Islame të Komunës së Hanit të Elezit.
Këshilli bashkësisë Islame e Komunës së Hanit të Elezi i është drejtuar Kuvendit të Komunës që të rishqyrtojë vendimin e marrë për dhënien në shfrytëzim të tokës kompanisë Sharrcem në zonën kadastrale Seqishtë. Kryetari Këshillit të Bashkësisë Islame e Komunës së Hanit të Elezi Muhamet Suma para këshilltarëve prezentoi argumentet me të cilat ky këshill disponon dhe me të cilat pretendojnë se toka e dhënë është “Vakaf” dhe se nuk janë konsultuar as bashkësia Islame por sipas tij as banorët e fshatit Seqishtë. Duke iu referuar disa dokumenteve dhe dëshmitarëve z.Suma kërkoi nga kuvendi i komunës që të pezullohet vendimi i marrë për deri sa të merret vendim nga gjykata për të cilën këshilli ka iniciuar procedurë.
Ndërsa kryesuesi i kuvendit z.Qamush Brava duke vërë në dyshime disa nga argumentet e prezantuara nga Kryetari Këshillit të Bashkësisë Islame e Komunës së Hanit të Elezi Muhamet Suma,tha se kuvendi i komunës ka respektuar në tërësi procedurat e parapara dhe se ky vendim është vlerësuar në përputhje me Ligjin nga MAPL-ja.
Për të kontribuar në kë debat kryetari i komunës Rufki Suma tha se çështja e dhënies në shfrytëzim i kësaj toke për kompanin Sharrcem është debatuar po thuja se katër vite duke filluar prej kërkesës për hulumtim deri në marrjen e vendimit për dhënien në shfrytëzim.
Ekzekutivi i komunës së Hanit të Elezit ka bërë të gjitha vlerësimet e nevojshme dhe të gjitha verifikimet e duhura në mënyrë që ky vendim të merret në interes të përbashkët të qytetarëve të komunës së Hanit të Elezit. Ai tha se gjendja faktike e kësaj toke figuron si pronë e Ekonomisë së Pyjeve dhe se vendimin përfundimtarë në këto raste e merr Komisioni për Miniera dhe Minerale. Pas debatit të zhvilluar ndërmjet këshilltarëve, grupi i këshilltarëve të PDK-së kërkoi nga kuvendi që me votim të deklarohen lidhur me kërkesën e Bashkësisë Islame.
Këshilltarët me votim 8 kundër, 3 apstenime dhe 4 këshilltarë për, e refuzuan kërkesën e Bashkësisë Islame për pezullimin e vendimit të kuvendit të komunës.
Zyra për Informim
.
