Hani i Elezit 30.06.2011
Kuvendi i Komunës së Hanit të Elezit mbajti sot mbledhjen e gjashtë të rregullt për vitin 2011.
Njëra ndër pikat kryesore të kësaj seancës ishte shqyrtimi i Kornizës afatmesme buxhetore 2012-21014
Drejtoria për Buxhet dhe Financa , në zhvillimin e aktiviteteve rreth përgatitjes dhe hartimit të Draft – Buxhetit afatmesëm të komunës për periudhën e viteve 2012-2014, ka aplikuar procedurat më të avancuara – reformuese, siç janë rekomanduara nga MF-ja dhe në mbështetje të plotë me dispozitat e Ligjit të Financave të Pushtetit Lokal , Ligjit mbi Menaxhimin Financave Publike dhe Përgjegjësit , Kornizës Afatmesme të Shpenzimeve , si dhe të Qarkoreve Buxhetore të MF-së për Komunat nr. 2012/01.
Me procesin buxhetor 2012-2014, është filluar nga hartimi Qarkores së Brendshme Buxhetore Komunale nr. 2012/01 dhe me përgatitjen e Draft – Kornizën Afatmesme Buxhetore Komunale – për vitet 2012-2014, të cilat dokumente do të jenë bazë për të gjitha programet buxhetore , që të iniciojnë dhe zhvillojnë të gjitha aktivitet vijuese deri te faza e fundit, kur dhe do të bëhet edhe hartimi i draftit final të buxhetit të komunës për periudhën afatmesëm 2012-2014, me miratimin e tij në Kuvend të Komunës, jo më larg se deri më 30 shtator 2011.
Instruksionet dhe rekomandimet e marruara nga niveli qendror, e në veçanti duke u mbështetur në projeksionet në nivel të vendit të prezantuara në Kornizën Afatmesme të Shpenzimeve ( KASH) për vitet 2012-2014, në kufijtë fillestarë të financimit nga grandi qeveritar të marruara nga Komisioni i Grandeve, etj., obligohemi edhe ne si komunë, të hartojmë Draft – Kornizën Afatmesme Buxhetore të Komunës ( shkurtimisht KABK-ja ), i cili për të ardhmen tonë, paraqet një dokument qenësor për proceset e më tejmë të zhvillimit të buxhetit komunal, mbi të gjitha, do të na shërben dhe do të na ndihmon si, dokumentacion ndërlidhës i potencialeve në dispozicion, me synimet dhe prioritetet e komunës për tri vitet e ardhshme buxhetore 2012-2014.
Po ashtu, vlen të përmendet se mbështetur në të dhënat e pasqyruara sipas vlerësimeve të hershme indikativë, të bazuar në kufijtë fillestar të marruara nga Komisioni Qendror i Grandeve, në brendi të ofrohen gjithashtu politikat dhe objektivat zhvillimore për periudhën e tri viteve vijuese, mënyrat dhe format e përmbshjes së këtyre politikave, burimet e mjeteve financiare etj, si dhe sfidat dhe rreziqet eventuale gjatë zbatimit të këtyre politikave për vitet buxhetore 2012-2014
Korniza afatmesme buxhetore komunale paraqet një mjet të procesit për zhvillimin e buxhetit që bënë ndërlidhjen e resurseve në dispozicion me prioritet e komunës, duke u bazuar në qëndrueshmërinë e programeve komunale gjatë periudhës së ardhshme tre vjeçare.
Me KAB – Komunale do të paraqiten shpjegimet e politikave – prioriteteve të tanishme dhe afatmesme të Komunës së Hanit të Elezit si dhe projeksionet lidhur me mënyrën me të cilën buxheti i Komunës do të përmbush projektet me prioritet që do të përcaktohen sipas buxhetit për vitet 2012 – 2014.
Me Qarkoren Buxhetore të parë 2012/01 dhe ku për Komunën tonë paraqiten udhëzimet e para, kalendari kohor ,kufijtë e grandeve qeveritare të financimit për përgatitjen e Buxhetit Komunal për vitet 2012 – 2014 .
Me projeksionet e dhëna vlerësuese për vitet 2012-2014, të hyrat e gjithmbarshme buxhetore komunale, parashikohen të jenë në vitin 2012 në shumë prej 153,000 €, në vitin 2013 prej 159,000 € dhe në vitin 2014, në shumë prej 163,300 €.
Sipas këtyre të dhënave indikativë, buxheti i komunës përtri vitet e ardhshme ka trendë rritëse. Buxheti i vlerësuar përvitin2012, është në shumë totale prej 1,589,727 € ( sipas strukturës burimore: nga grandi qeveritar 1,436,727 € dhe nga të Hyrat Vetanake në shumën prej 153,000 € )
Analizuar në vlerësimet e hershme buxhetore për periudhën afatmesme 2012-2014, buxheti i projektuar në vitin 2012, është (1,589.727) kundrejt me atë të vitit 2013,(1,616,575) paraqet një rritje prej 4.02 %, kurse buxheti i vlerësuar për vitin 2014, është (1,634,182), në raport ndaj vitit 2012, parashikohet të ketë një rritje prej 7.34%, kurse ndaj vitit 2013, një rritje vetëm prej afër 3.46% .
Propozim vendimi për themelimin e ndërmarrjes publike ishte po ashtu pikë që zgjoi debat të këshilltarëve sidomos në kontekst të qëndrueshmërisë ekonomike të një kompanie publike dhe me disa vërejtje dhe sugjerime ne këtë dokument me shumicë votash Kuvendi i Komunës miratoi vendimin për themelimin e kompanisë publike komunale.
Në vazhdim seanca miratoi edhe dy rregulloret ;
-Rregulloren për dhënien e lejes për subjektet afariste në komunën e Hanit të Elezit
-Rregulloren për mbrojtjen e të miturve nga dukuritë që dëmtojnë shëndetin dhe zhvillimin e tyre
Zyra për informim
