Emërtimi i ri për Hanin e Elezit është përfshirë në ndryshimet dhe plotësimet e Ligjit për kufijtë administrativë të komunave nr.03/L-041, i publikuar në Gazetën zyrtare të Republikës së Kosovës nr.25, të 7.9.2012. "Në shtojcën 1 (zonat kadastrale) të ligjit bazik, emërtimi i Komunës të Hanit të Elezit në gjuhën serbe dhe angleze ndryshohet në ‘Elez Han’", thuhet në paragrafin 4 të nenit 16 të ligjit të sipërpërmendur të ndryshuar.
Në prononcimin e parë për këtë lajmë kryetari i komunës Rufki Suma tha :
Kërkesën për ndryshimin e emrit të Hanit të Elezit në gjuhën serbë qytetarët e kësaj treve e kanë iniciuar shumë herë dhe në të gjitha instancat relevante të Republikës së Kosovës.
Menjëherë pas Lufte unë si ish komandant lokal i UÇK-së dhe si komandant i TMK-së në Han të Elezit, sa herë që më është dhënë mundësia çështjen e emërtimit e kam prezantuar se çështje që duhet zgjedhur në mënyrë urgjente duke pas parasysh të gjitha reagimet të cilat i kamë marrë nga qytetarët dhe sidomos për mua kanë qenë shqetësuese paralajmërimet e qytetarëve që në forma të ndryshme të kundërshtojnë këtë emër.
Reagime për përdorimin e këtij emri drejtuar institucioneve vendore dhe ndërkombëtare ka pasur vazhdimisht nga te gjithë faktorët relevant të Hanit te Elezit dhe të subjektet politike por me të zëshme ishin shoqatat e dalura nga lufta e UÇK-së, të cilët vazhdimisht kërcënonin me protesta dhe bllokime te rrugëve.
Gjithashtu vlen te përmendet se ku do qe është hasur ne këtë emërtim menjëherë janë hequr tabelat me mbishkrime te tilla.
Edhe me fillimin e funksionimit të pushtetit lokal në Hanë të Elezit fillimisht si pilot njësi komunale dhe më pas si komunë me kompetenca të plota ,kjo kërkesë ka qenë e vazhdueshme drejtuar të gjitha institucioneve , për të cilat kemi dëshmi të reagimeve dhe kërkesave që në mënyrë institucionale çështja e emërtimit të zgjidhet njëherë e përgjithmonë.
Me ardhjen time si Kryetarë i Komunës ndër prioritete e mia ka qenë heqja e emrit të Gjeneral Jankovicit nga emërtimi i këtij vendbanimi. Nuk kam reshtur që këtë problem ta bashkëbisedoj më udhëheqësit më të lartë të Republikës së Kosovës. Unë ju kam drejtuar me të gjitha format zyrtare dhe shpesh herë nuk kam marrë edhe përgjigjeje.
Duhet të theksohet se ky emërtim shpeshherë ka shkaktuar edhe probleme në komunikime zyrtare si me institucionet vendore por edhe me ata ndërkombëtare,kemi pas shumë probleme edhe me qytetarët tanë të cilët në vazhdimësi refuzonin dokumente zyrtare të cilat kishin në mbishkrim emrin e kriminelit Gj.Jankoviq.
Probleme të tilla kemi pasur edhe me vendkalimin kufitarë deri aty kur në momente të caktuara janë paralajmëruar edhe protesta të qytetarëve deri në mbylljen e vendkalimit.
Lajmi i publikuar në gazetën zyrtare me të cilën nga emërtimi i vendbanimit të Hanit të Elezit edhe zyrtarisht hiqet emërtimi i vjetër, gjithsesi paraqet lajmin më të mirë në këtë vit të festave të mëdha kombëtare.
Ky lajm vjen gati në përvjetorin e 100 të masakrës së Dremjakut, aty ku ky gjenerali famëkeq la gjurmët më të vrazhda në këto anë. Dhe pikërisht në këtë përvjetorë po e çrrënjosim emrin e tij njëherë e përgjithmonë.
Shfrytëzoj rastin që në emër timin personal, dhe të qytetarëve të komunës së Hanit të Elezit të falënderoj institucionet qendrore që gjetën mirëkuptim për këtë vendim historik.
Njoftimin për ndryshimin e emërtimit, z. Suma e bëri dje në fund të seancës së kuvendit të komunës dhe u prit me duartrokitje frenetike të këshilltarëve të kuvendit të komunës aty ku kryetari morri mandatin për të nisur veprimet për ndryshimin e këtij emërtimi.
Zyra për informim
