Në ditën e dytë të vizitës në Shqipëri , delegacioni i Komunës së Hanit të Elezit i kryesuar nga Kryetari i Komunës z. Rufki Suma takoi personalitete më të larta të Republikës së Shqipërisë.
Delegacionin nga Komuna e Hanit të Elezit së pari u prit nga Kryetarja e kuvendit të Republikës së Shqipërisë znj. Jozefina Topalli.
Pas prezantimit të shkurtë të komunës së Hanit të Elezit ,gjendjen aktuale ,dhe perspektivën për një zhvillim në të ardhmen z. Suma tha se këtë vizitë e kemi planifikuar me delegacionin nga komuna e jonë që të vizitojmë institucionet më të larta të shtetit Shqiptarë në këtë vit jubilar të 100 vjetorit të Pavarësisë së Shtetit Shqiptarë.
Të vetëdijshëm se sa më afër është 28 Nëntori , agjendat e juaja do të jenë me të ngarkuara .Dëshira jonë ishte që të ju urojmë së pari shëndet dhe punë të mbarë institucionin që ju përfaqësoni dhe përmes jush të falënderojmë për gjithë angazhimin e shtetit Shqiptarë për përkrahjen e dhënë Pavarësisë së Kosovës. Mbështetjen më të madhe e kemi pasur nga ju, në kohën kur më shumë se gjysma e popullit në kohën më të vështirë gjeti përkrahjen e juaj.
Ju falënderojmë për investimin e bërë në ndërtimin e rrugës së kombit që ka mundësuar një zhvillim të hovshëm në dy anët e kufirit tha z.Suma duke falënderuar dhe uruar edhe një herë z. Topalli për mikpritjen.
Investimet tona janë përqëndruar kryesisht në infrastrukturë, tha znj . Jozefina Topalli ,i kemi kushtuar vëmendje portit të Durrësit,janë bërë investime të mëdha në këtë portë, jemi duke bërë digjitalizimin dhe investime të mëdha në fushën teknologjisë informative dhe internetit.
Natyrisht jemi te brengosur për krizën ekonomike me të cilën po ballafaqohen shumë shtete të Evropës . Janë shumë bashkombës tanë të cilët punojnë dhe jetojnë në vendet fqinje si Greqi dhe Itali. Ata do të jenë të parët të cilët do të goditen nga kjo krizë dhe natyrisht ata do të detyrohen të kthehen dhe për të cilët duhet të sigurohet punë në kohën kur kemi vështërsi të gjemë punë edhe për ata që tashme janë pa punë. Fati i mirë që nuk kemi kaluar ne recesion dhe kjo na mundëson që të vazhdojmë të investojmë në infrastrukturë. Qeveria e z, Berishës nuk ka lanë fshat ,qytet e komunë pa investuar në rrugë e infrastrukturë tjetër ,duke shpalosë të gjitha ato bukuri të natyrës që ka Shqipëria
Ju jemi shumë mirënjohëse për këtë vizitë ,keni bë shumë mirë që keni ardhur ,ngase urimi dhe gëzimi për këtë festë ju takon të gjithë shqiptarëve kudo që ndodhen. Kontributi i Kosovës në Shpalljen e Pavarësisë së Shqipërisë ka qenë vendimtarë.
Nuk ka vend për falënderime ngase anëtarë e një familje nuk falënderohen për të arriturat e përbashkëta tha znj. Topalli në përmbyllje të takimit me delegacionin nga Komuna e Hanit të Elezit.
Zyra për informim
