Kryetari i komunës Rufki Suma priti në takim përfaqësuesit e Koalicionit Antiduhan në Kosovë (KADC), Dr.Skënder Syla nga Organizata Botërore e Shëndetësisë (OBSH), z.Arben Lila Menagjer i Programit KADC si dhe z.Shkumbin Spahiju zyrtar i Qendrës Kosovare për Zhvillim dhe Avokim (KADC).
Në takim Kryetari Suma dhe zyrtarët nga KADC biseduan lidhur me zbatimin e Ligjit për Kontrollin e Duhanit si dhe masat për zbatimin e këtij Ligjit në komunën e Hanit të Elezit. Kryetari Suma i njoftoi mysafirët se ende pa hyrë në fuqi Ligji për kontrollin e duhanit, në komunën e Hanit të Elezit ka funksionuar një urdhëresë e cila ndalonte pirjen e duhanit në institucionet publike.
Me hyrjen në fuqi të Ligjit, kjo masë kanë filluar të zbatohet edhe në të gjitha subjektet tjera konform Ligjit për kontrollin e duhanit.
Kryetari Suma tha se komuna e Hanit të Elezit e ka marrë me shumë seriozitet implementimin e këtij Ligji dhe se bazuar në informacionet nga sektori i inspeksionit sanitarë ky Ligj është duke u respektuar në masë të plotë. Sigurisht, tha kryetari Suma kemi shenuar edhe raste individuale kur ky Ligj nuk është respektuar por se është vepruar menjëherë nga inspektorët dhe se për këtë qëllim janë aplikuar edhe masat ndëshkimore.
Këto veprime si dhe paralelisht me këtë edhe një fushatë informuese kanë ndikuar që ky Ligj të implementohet me sukses në komunën e Hanit të Elezi. Kryetari Suma prezantoi para mysafirëve edhe raportet e rregullta të monitorimit dhe inspektimit të subjekteve si publike, private e afariste ku raportohen shumë pak raste të shkeljes së këtij Ligji.
Ndërsa zyrtarët nga Organizata KADC thanë se kjo organizatë është e angazhuar aktivisht në mbrojtjen e shëndetit publik me theks të veçantë në politikat për kontrollin e duhanit dhe zbatimin e tyre. Ata me këtë rastë kërkuan edhe përkrahjen e autoriteteve lokale, në këtë rast nga komunat, një ndikimi të drejtpërdrejtë dhe angazhimin e tyre në implementimin sa më të plotë të këtij Ligji.
Zyra për Informim
