Komuna e Hanit të Elezit është ndër komunat e para në Kosovë e cila zbatoi në praktikë “Rregulloren për organizimin dhe bashkëpunimin e komunës me Fshatrat, Vendbanimet dhe Lagjet Urbane në territorin e komunës së Hanit të Elezit”.
Me zbatimin e kësaj rregulloreje komunitetet lokale që i popullojnë fshatrat, pjesët urbane dhe vendbanimet do të kanë një rolë të rëndësishëm në politikë-bërjen komunale andaj zgjedhja e “këshillit lokal” dhe “udhëheqësve të këshillave lokale“ do të ju mundësoj fshatrave, lagjeve urbane dhe vendbanimeve të marrin pjesë në vendimmarrjen komunale, të shprehin nevojat e tyre të veçanta dhe të jenë të informuara mirë lidhur me aktivitetet komunale, zhvillimin komunal dhe shërbimet të jenë më afër qytetarëve të komunës dhe në përputhje me nevojat e tyre.
Rregullorja për organizimin dhe bashkëpunimin e komunës me Fshatrat, Vendbanimet dhe Lagjet Urbane në territorin e komunës së Hanit të Elezit është miratuar në vitin 2012 nga Kuvendi i Komunës së Hanit të Elezit e cila është hartuar në bashkëpunim të ngushtë me përfaqësuesit e tanishëm lokal, dhe në bashkëpunim me Asociacionin e Komunave të Kosovës, Ministrinë e Administrimit të Pushtetit Lokal dhe me përkrahjen e LOGOS-it.
Zyrtarizimi i kësaj mardhënje ndërmjet Komunës së Hanit të Elezit dhe udhëheqësve të këshillave është realizuar sot në takimin e parë të kryetarit të komunës Rufki Suma me të gjithë udhëheqësit e këshillave lokale.
Kryetari Suma duke përshëndetur të përzgjedhurit dhe duke i uruar për një bashkëpunim të mirë tha se është e një rëndësie të veçantë vendosja e një mënyre të re të komunikimit me komunitetet lokale për më tepër kur ju jeni zgjedhur një një proces demokratik dhe bazuar në ”Rregulloren për organizimin dhe bashkëpunimin e komunës me Fshatrat, Vendbanimet dhe Lagjet Urbane në territorin e komunës së Hanit të Elezit” i miratuar nga kuvendi i komunës.Ky proces e bënë legjitim mandatin e juaj që të përfaqësoni komunitetin e juaj për më tepër kur i tërë procesi i zgjedhjes së juaj ka pas përgjigjeje masovike të qytetarëve që i ka tejkaluar edhe parashikimet tona tha z.Suma. Shpresoj se do të merrni përgjegjësin dhe të bëheni pjesë e proceseve të vendimmarrjes në komunë dhe të përfaqësoni interesat e komunitetit tuaj. Komuna e Hanit të Elezit do të jetë e përgjegjëshme dhe të reflektoj për të gjitha kërkesat e juaj për aq sa do të lejojnë mundësit buxhetore dhe për të gjitha vendimet do të konsultohemi dhe ato vendime do të jenë të përbashkëta tha më tej z. Suma.
Ndërsa znj. Fatime Rahmani nga projekti LOGOS duke uruar për mandatin e marrë tha se projekti LOGOS do të vazhdojë të ju përkrahë në formë të këshillimet lidhur me përgjegjësit e juaj si dhe në format e bashkëpunimit dhe pjesëmarrjes suaj në zhvillimet në komunën e juaj.
Në takim, udhëheqësve të zgjedhur lokal i ndanë edhe telefona mobil me të cilët ata bëhen pjesë e rrethit të institucioneve të komunës së Hanit të Elezit
Zyra për informim
