Hani i Elezit 04.07.2014
Kryetari i komunës Rufki Suma në debatin e parë publik të vitit 2014 prezantoi para qytetarëve të Komunës raportin gjashtëmujor të punës.
Duke falënderuar qytetarët për pjesëmarrjen në këtë debat kryetari Suma tha se fillimi i vitit 2014 është karakterizuar me konstituimin e organeve komunale të dalura nga zgjedhjet lokale. Ai tha se edhe kuvendi edhe ekzekutivi janë funksionalizuar në kohë optimale gjë që ka mundësuar funksionimin normal të komunës së Hanit të Elezit. Janë zgjedhur organet drejtuese te Kuvendit, komitetet konsultative dhe ato obligative të kuvendit si dhe është rikonsoliduar KKSB-ja. Ai tha se viti 2014 është vit i realizimit te projekteve të mbetura nga viti i kaluar dhe i realizimit të projekteve te reja. Për dallim nga viti 2013 këtë vit buxheti i komunës është alokuar me kohë e cila mundësoi që edhe projektet dhe aktivitetet e komunës të fillojnë më herët.
Bashkëpunimi i administratës komunale, gjatë kësaj periudhe është shumë i begatshëm duke filluar nga qeveria ku me sukses kemi vazhduar projekte të cilat ishin filluar më herët siç janë:
– Vazhdimi i projektit në ndërtimin e objektit të QPS-së
– Vazhdimi i projektit te kanalizimit rrugën “Adem Jashari” deri ne lumin Lepencë,
– Riparimi i kompleksit te Varrezave te Deshmorëve,
– Vazhdimi i projekteve me Caritasin e Luxemburgut ne fshatin Seqishtë.
Në kudër të këtij bashkëpunimi janë konkretizuar edhe disa marrëveshje të bashkëpunimit për të realizuar edhe disa projekte të rëndësishme si;
Marrëveshje mes Komunës dhe MAPL-së per financimin e projektit te asfaltimit te rrugës Paldenicë-Dermjak.
Ndër prioritet e administratës së komunës edhe këtë vit ishte aplikimi i ligjshmërisë, në kuadër të saj dhe hartimin e rregulloreve për të përligjësuar të gjitha aktivitetet e saja, hartimi dhe përtërirja e infrastrukturës ligjore në kuadër të komunës si dhe bashkëpunimi i komunës me qeverinë dhe faktorin ndërkombëtar në Kosovë.
Janë zhvilluar edhe takime me KRU “Bifurkacioni” dhe zyrtarin e lartë nga zyra e kryeministrit në lidhje me problemin e ujit dhe mundësinë që kompania regjionale ta merr nën menaxhim ujin në Han të Elezit.Takimet do te vazhdojnë edhe në të ardhmen deri në zgjedhjen definitive te problemit te ujit.
Gjithashtu vlen të përmendet se ekzekutivi i komunës mbanë çdo të hëne takimet me bordin e drejtorëve, ndërsa çdo të premte të fundit të muajit mbahen takimet e rregullta të KKSB-së.
Kryetari Suma i njoftoi të pranishmit edhe me ecurin e realizimit të projekte të planifikuara për vitin 2014.Ai tha se përkundër planifikimeve, megjithatë ndodhin të papritura siç është rasti i vërshimeve në Lagjen e Re e cila ka shkaktuar shumë dëme në infrastrukturë dhe kjo gjendje e vendosë këtë Lagje në prioritete të investimeve.
Kryetari i Komunës Rufki Suma para pjesëmarrësve prezantoi edhe raportin gjashtëmujorë të punës së KKSB-së. Ky këshill takohet çdo fund muaji dhe ka rezultuar me shumë aktivitete konkrete tha kryetari Suma.Ndër të tjera ky këshill vlerëson të gjitha shqetësimet nga aspekti i sigurisë në komunën e Hanit të Elezit duke dhënë rekomandime dhe masa konkrete për parandalimin dhe menagjimin me probleme konkrete nga fusha e sigurisë publike.
Zyra për Informim
