Hani i Elezit 30.12.2013
Në kuadër të debatit të dytë publik për vitin 2013, kryetari i komunës Rufki Suma prezantoi para banorëve raportin e punës për vitin 2013.
Kryetari Suma duke falënderuar për prezencën e banorëve, tha se edhe vitin 2013 mundë ta vlerësojmë si vit të sukseseve dhe të arriturave me të cilat janë bërë ndryshime të rëndësishme në të gjitha fushat me interes për zhvillimin dhe mirëqenien e banorëve të komunës sonë.
Duke iu referuar parametrave buxhetore z.Suma tha se në vitin 2013 komuna e Hanit të Elezit kishte në dispozicion 1.950.517.37€ që në krahasim me vitin e kaluar paraqet një rritje prej 75.833.37€. Gjatë këtij viti kemi pas ndihmën nga donatorë të ndryshëm me vlerë prej 766.559.00 që është më e madhe për 7.318.87€ se në vitin e kaluar, ndërsa nga planifikimet e realizimit të të hyrave vetanake janë realizuar 244.410.00€ apo për 13.030.09€ më shumë se vitin 2012.
Duke marrë parasysh se për realizimin e investimeve kapitale nga buxheti i komunës janë planifikuar 484.875.98 dhe së bashku me 766.559.00€ atëherë në komunën e Hanit të Elezit janë realizuar projekte të ndryshme në vlerë prej 1.251.435.51€.
Kryetari Suma në prezantimin e tij falënderoi të gjithë donatorë të cilët përkrahën komunën e Hanit të Elezit si LOGOS-in, USAID-in, CARITAS-in, SHARCEMIN si dhe Ministritë e linjës të cilët gjetën mirëkuptim për shumë projekte të realizuara në komunën e Hanit të Elezit.
Në vazhdim kryetari Suma në mënyrë kronologjike përmendi projektet e realizuar duke veçuar; Asfaltimin e Rrugës Lagje e Re-Pustenik, Asfaltimi i Rrugës së të Përndjekurve,Riparimi i Kompleksit të Varrezave, Asfaltimi në Lagjen Curri, kubëzime në shumë lagje të komunës, investime në rrjetin e kanalizimit, investime në QKMF “Menduh Kaloshi” me zyrën e Rëntgenit, Autoambulancë të re, në fushën e kulturës me inaugurimin e Bibliotekës së qytetit, investime në arsim e shumë fusha tjera tha z.Suma në prezantimin e tij para banorëve
Zyra për Informim
