Koha kërkon sakrificë dhe solidaritet nga secili prej nesh, na rikujton kujdesin dhe vëmendjen që duhet të kemi për njerëzit në nevojë, për jetimët, për individët me aftësi të kufizuara dhe për të gjitha shtresat e tjera të shoqërisë që kërkojnë kujdesin dhe përkushtimin tonë në përmbushjen e nevojave të tyre, në mënyrë që të mbretërojë mirësia, begatia, për më të vegjlit, më të moshuarit, për ata që kanë më shumë nevojë.
Ndërsa mesazhi i atyre që dëshmohen me devotshmëri e besim është inkurajues dhe na mbush të gjithëve me shpresë për të nesërmen që do të jetë më e bukur dhe më e begatë.
Dhe kryetari i komunës Rufki Suma me shumë mirësi priti sot në takim të përbashkët z.Naser Llamallarin pronarë i rrjetit tregtarë të këpucëve “Alpina”, z.Shaqir Shaqiri udhëheqës i zyrës së “Shoqatës së Bamirësisë Kuvajtjane” me seli në Prishtinë dhe z.Kemail Abazi pronarë i kompanisë “Uka Saraj” nga Hani i Elezit.
Secila nga këto kompani dhe “Shoqata e Bamirësisë Kuvajtjane” në mënyrën e tyre u kujdesën që solidariteti, urtësia dhe respekti për të gjithë njerëzit të jenë virtyte që e karakterizojnë shpirtin e çdo qytetari, duke ndihmuar shumë familje të komunës së Hanit të Elezit.
Duke iu falënderuar për kontributin e dhënë, kryetari Suma tha se duhet të ndalemi e të reflektojmë për punën tonë, për angazhimet dhe obligimet që kemi ndaj njëri-tjetrit, familjes, miqve dhe shoqërisë dhe për këtë ju jemi mirënjohës në emër të komunës së Hanit të Elezit dhe në emër të të gjithë atyre që përfituan nga ndihmat e juaja.
Kjo sakrificë, vijoi kryetari Suma, në fakt është një ftesë, që çdo ditë të mendojmë për ata që kanë më pak, që janë të sëmurë, për grupet e margjinalizuara. Ky është një obligim për qytetarët për t’i shërbyer njëri-tjetrit kur kemi nevojë në mënyrë të veçantë duke u shërbyer atyre që janë me më pak fat.
Kryetari i komunës Rufki Suma me këtë rast ndau “Mirënjohje” për këta individë të respektuar duke thanë se jam shumë i bindur se bamirësia e juaj për këtë kategori të banorëve të komunës së Hanit të Elezit tejkalojnë vlerën e Mirënjohjes sonë, por dëshirojmë të dëshmojmë respektin tonë, për të gjithë atë që jeni duke bërë për ata që kanë nevojë për ndihmën e juaj dhe shoqërisë në tërësi.
Zyra për informim
