Kryetari i Komunës z.Mehmet Ballazhi prezanton projektin e hartuar për Trenin në Parkun Memorial Bllaca ’99, i cili parashihet të transformohet i gjithi në muze përkujtimor.
Në këtë fillim jave, po ju prezantojmë projektin e hartuar për Trenin në Parkun Memorial Bllaca ’99, i cili parashihet të transformohet i gjithi në muze përkujtimor.
Ky projekt synon riaktivizimin e kësaj strukture ekzistuese si hapësirë muzeale dhe dokumentuese, duke përfshirë ekspozitë kushtuar luftës së fundit, si dhe prezantimin e artefakteve dhe materialeve që dëshmojnë ngjarjet e asaj periudhe dhe shumë me rëndësi për Kosovën.
Rëndësia e këtij projekti qëndron në ruajtjen dhe institucionalizimin e kujtesës historike, në dokumentimin e përvojës së luftës përmes dëshmive autentike, si dhe në forcimin e rolit të Parkut Memorial Bllaca ’99 si hapësirë e edukimit, reflektimit dhe ndërgjegjësimit publik për brezat e tanishëm dhe të ardhshëm.
Hartimi i projektit është realizuar si bashkëpunim në mes Komunës dhe Agjencionit për Menaxhimin e Monumenteve dhe Komplekseve Memoriale.
