Kryetari i komunës së Hanit të Elezit Rufki Suma me bashkëpuntorë, mori sot pjesë në zbulimin e Bustit të Dëshmorit të Kombit Gani Elshani në Krajkovë të Drenasit.
Zbulimi i bustit u bë në ditën e shkollës së Mesme te Ulët “Gani Elshani”, e cila shkollë sot krahas ditës së shkollës shënoi edhe riemërtimin e kësaj shkolle me emrin e dëshorit Gani Elshani.
Krahas kryetarit të komunës së Drenasit z.Nexhat Demaku dhe drejtorit të kësaj shkolle, të pranishmit i përshëndeti edhe kryetari Suma.
Ai tha se “takimi i parë me ushtarët e UÇK-së ishte në prill të vitit 1998 dhe atë me Gani Elshanin-tani dëshmor i kombit, ku aso kohe nga shtëpia e dëshmorit Gani Elshani, në përcjellje të tij ishim në Likocë ku edhe u inkuadrova në rradhët e UÇK-së tha z.Suma.
Zbulimin e bustit e bënë babai i dëshmorit Gani Elshani, drejtori i shkollës, Kryetari i Komunës së Drenasit, z.Nexhat Demaku dhe kryetari i komunës së Hanit te Elezit Rufki Suma.Paraprakisht kryetari Suma vizitoi edhe varrezat e Dëshmorëve në Krajkovë e më pastaj edhe familjen e dëshmorit Gani Elshani.
Gani Elshani ka rënë në kufirin Kosovë-Shqipëri bashkë me dëshmorin Mujë Krasniqi, në dhjetor të vitit 1998 ku ra edhe Dëshmori nga Hani i Elezit Veli Ballazhi
