Hani i Elezit 04.12.2013
Kryetari i komunës së Hanit të Elezit Rufki Suma priti sot kryetarin e komunës së Kaçanikut z. Besim Ilazi.
Gjatë takimit miqësor, dy kryetarët e komunave, ritheksuan gadishmërin për bashkëpunim duke u nisur nga nivel i shkëlqyer i marrëdhënieve të vendosura mes dy komunave, për tu zotuar në domosdoshmërinë e intensifikimit dhe ngritjes cilësore të bashkëpunimit në shumë fusha dhe projekte të përbashkëta.
Kryetari i komunës së Kaçanikut z, Besim Ilazi tha se qëllimi i këtij takimi ishte para se gjthash të uroj kryetarin e rizgjedhur z.Suma për besimin e marrë nga banorët e komunës së Hanit të Elezit, që është dëshmia më e mirë e rezultateve të treguar në mandatin e shkuar.
Është kënaqësi të vëresh një zhvillim shumë të madh të infrastrukturës në komunën e Hanit të Elezit duke shtuar se, infrastruktura është një nga bazat e zhvillimit ekonomik.
Mbi këtë bazë dy komunat mundë të bashkëpunojnë për një zhvillim të përbashkët ekonomike dhe për të rritur interesin të investitorëve të mundshëm.
Edhe për kryetarin e komunës së Hanit të Elezit z.Sumën, vizita e z.Besim Ilazit është mundësi e mire që të bashkëbisedohen shumë fusha të interesit të përbashkët.
Për dy kryetarët e komunave zgjedhje e tyre që në rrethin e parë ju ka dhënë kohën e mjaftueshmë për ti bërë të gjitha përgatitjet e nevojshme që të fillojnë me konstituimin e organeve komunale.
Gjatë vizitës z. Besim Ilazi vizitoi edhe qendrën për shërbimin e qytetarëve të komunës së Hanit të Elezit.
Zyra për Informim
