Kryetari i komunës së Hanit të Elezit, Rufki Suma priti sot Komandantin e Detashmentit të Përbashkët Rajonal të Jugut (JRD) të KFOR-it, kolonelin Zorlu Topaloglu.
Komandantin e Detashmentit të Përbashkët Rajonal të Jugut (JRD) të KFOR-it, kolonelin Zorlu Topaloglu e realizoi këtë vizitë në kuadër të takimeve lamtumirëse pasi që në shtatorë do të do të lirohet nga kjo detyrë . Takimi ishte rast që të bisedohet për bashkëpunimi e ndërsjellë në fushën e sigurisë, si dhe për aspekte tjera të përgjithshme.
Koloneli Zorlu Topaloglu, tha se, kemi marrë shumë informata të mira rreth zhvillimeve në komunën e juaj dhe sukseset të cilat i keni arritur në zhvillimin e komunës së Hanit të Elezit.
Kryetari Suma, pasi i falënderoi për vizitën dhe uroi ushtarakët e KFOR-it, për misionin e tyre shumë të rëndësishëm që janë duke e realizuar në Kosovë. “Bashkëpunimi im me KFOR-in, ka qenë gjithmonë i mirë dhe i tillë do të vazhdoj të mbetet”, tha mes tjerash kryetari Suma dhe vlerësoi lartë punën e KFOR-it në Kosovë, si dhe bashkëpunimin me njësinë e KFOR-it, LMT në komunën e Hanit të Elezit.
Kryetari Suma e njoftoi ushtarakun e Lartë Turk, me një letërnjoftim të shkurtë të komunës së Hanit të Elezit, rrjedhat e përgjithshme institucionale, zhvillimet dhe të arriturat në Han të Elezit.
Kryetari Rufki Suma falënderoi kolonelin Topaloglu për bashkëpunim e vazhdueshëm në interes të sigurisë së përgjithshme të qytetarëve.
Edhe Kolonel Topaloglu falënderoi kryetarin Suma për bashkëpunimin shumë të mirë, dhe me këtë rast ndau “Mirënjohje” në emër të forcave shumëkombëshe të cilat veprojnë në kuadër të Detashmentit të Përbashkët Rajonal të Jugut .
Zyra për Informim
