Hani i Elezit 04.06.2014
Kryetari i komunës së Hanit të Elezit Rufki Suma, priti në takim Ambasadorin e Britanisë së Madhe në Kosovë, z.Ian Cliff. Duke i uruar mirëseardhje Ambasadorit Cliff, kryetari Suma tha se ndjehet i nderuar që për një kohë të shkurtë po takohet prap me z.Cliff.
Në takim u bashkëbiseduan problemet me të cilat është përballur komuna e Hanit të Elezit pas takimit të fundit. Kryetari Suma tha se komuna e Hanit të Elezit në muajin e kaluar është përballur me sfidën e vërshmeve të cilët goditën vendbanime të ndryshme të komunës së Hanit të Elezit. Duke elaboruar gjendjen e kaluar, z.Suma tha se gjendja emergjente e krijuar nga vërshimet vuri në sprovë gadishmërinë e institucioneve relevante për tu përballur me situatë shumë serioze. Fatmirësisht nuk kemi pasur viktima në njerëz, ndërsa nga vlerësimet preliminare kemi konstatuar dëme të konsiderueshme si në infrastrukturë publike por edhe atë private. Duke u ndërlidhur me situatën aktuale politike në të cilën gjendet vendi i ynë në kontekst të zgjedhjeve të përgjithshme parlamentare, kryetari Suma tha se përkundër deklarimit publik se është apolitik, ai tha se në këtë drejtim është angazhuar që të kontribojë që ky proces të zhvillohet në kushte normale me ç’rast kamë ftuar në takim të përbashkë të gjithë kandidatë e subjeteve politike të cilët garojnë në zgjedhjet parlamentare, që së bashku të kontribojmë për zgjedhe të mira ku do të respektohet vullneti i lirë politik i qytetarëve të komunës së Hanit të Elezit. Një pjesë e bisedës u përqëndrua në të arritura dhe sfidat me të cilë po ballafaqohet komuna e Hanit të Elezit me ç’rast të dy palët u pajtuan se angazhimet e mirëfillta dhe të sinqerta janë në interes dhe në dobi të qytetarëve.
Ndërsa Ambasadori Cliff edhe një herë uroi kryetarin Suma për të gjitha të arriturat në komunën e Hanit të Elezit. Ai tha se të gjitha angazhimet e komunës së Hanit të Elezit dhe qeverisja e mirë dhe transparente e kryetarit Suma po vlerësohen lartë si në institucionet vendore por edhe ato ndërkombëtare. Kjo është edhe arsyeja që komuna e Hanit të Elezit është përfituese e donacioneve nga se bashkësia ndërkombëtare dëshiron të përkrahë dhe ndimojë komunat efektive. Ambasadori Cliff u interesua edhe për angazhimin e komunës së Hanit të Elezit në procesin e kthimit dhe riatdhesimit me ç’rast kryeyari Suma potencoi faktin se gati 20% e popullatës së komunës punojnë dhe jetojnë në shtetet e BE-së. Megjithatë kryetari Suma the se edhe përkundër numrit të vogël të kërkesave për riatdhesim komuna e Hanit të Elezit, përmes zyrës për kthim dhe riatdhesim është duke ofruar të gjithë asistencën e nevojshme për të kthyerit qoftë përmes fondeve nga Ministria e Integrimeve Evropiane apo nga asistenca e komunës.
Pas takimit në Komunën e Hanit të Elezit Ambasadori Cliff i shoqëruar nga Kryetari Rufki Suma vizituan kompanin “Sharrcem” në Han të Elezit.
Nikoqir i takimi ishte z.Emmanuel Mitsou, drejtorë i kompanisë “Sharrcem” në Han të Elezit.
Ai para mysafirëve prezantoi të arriturat e kësaj kompanije duke u ndalur në veçanti në aspektin e bashkëpunimit me autoritete lokale të komunës së Hanit të Elezit. Menaxheri Mitsou tha se kompanija “Sharrcem” për momentin ka 500 të punësuar por të cilët një pjesë e tyre është në moshë të shtyer dhe të cilët një pjesë e tyre do të plotësojnë kushte për pension.
Megjithatë kompania do të ketë nevojë të vazhdueshme për punëtorë të rinjë por të cilët do të jenë të kualifikuar dhe të specializuar në përputhje me avansimet dhe risit në proceset e teknologjisë moderne të prodhimit të cimentos. Emmanuel Mitsou, drejtorë i kompanisë “Sharrcem” para musafirërve shpalosi edhe detajet e Projektit LAB –Laboratorit të Biznesit, projekt ky që do të financohet nga hisedarë të ndryshëm dhe i cili ka për qëllim zhvillimin e ndërmarrësisë private në komunën e Hanit të Elezit, posaqërisht në sektorin e bujqësisë dhe i cili pritet të fillojë të implemnetohet gjatë këtij viti.
Ambasadori Cliff uroi kompanin “Sharrcem” për lejen e integruar mjedisore si dhe për bashkëpunimin e mirë me autoritete lokale të komunës së Hanit të Elezit të cilat do të rezultojnë në zhvillimin ekonomik të komunës por edhe të Kompanis”Sharrcem”.
Zyra për Informim
