Hani i Elezit 27.12.2011
Kryetari i komunës së Hanit të Elezit Rufki Suma para shumë qytetarëve të tubuar ne shtëpinë e Kulturës ,,Imri Curri” prezantoi sfidat dhe të arriturat e komunës së Hanit të Elezit gjatë vitit 2011.
Ashtu siç i kishim planifikuar dhe debatuar të gjitha ato projekte së bashkë me ju në shumë tubime gjatë këtij viti ,kam nderin që para jush sot të deklaroj se kemi arritur edhe ti realizojmë, por edhe ti tejkalojmë ,fale angazhimit të përbashkët edhe të juve si qytetare ,por edhe të donatorëve të cilët edhe këtë vit ndihmuan në zhvillimin e komunës tonë tha në fillim të takimit me qytetarët z.Suma
Në fillim të vitit e kishim planifikuar që të realizojmë 24 projekte edhe pse ishim shumë të vetëdijshëm se mundësit buxhetore ishin të kufizuara. Por se vitin po e përmbyllim me gjithsej 31 projekte te realizuara me vlerë prej 1.777.157,74€.
Sigurisht se nuk ka qene edhe e lehtë për të arritur deri këtu,kemi pas shumë vështërsi,por edhe probleme që në shumë raste edhe ne kemi qenë të pakënaqur, por se në vazhdimësi do përcjellim të gjitha ato projekte ku janë identifikuar mangësi në mënyrë që të realizohen ashtu siç edhe i kemi planifikuar. Kemi nënshkruar edhe shumë marrëveshje mirëkuptimi dhe bashkëpunimi me shumë donatorë dhe jemi shumë të sigurt se edhe për vitin e ardhshëm do të kemi një dinamikë të mirë të zhvillimit.
Ishin edhe qytetarët që kontribuan që ky takim të jetë vërtet i frytshëm dukë propozuar dhe këshilluar kryetarin se në cilat fusha duhet të përqendrohet aktiviteti për vitin e ardhshëm.
Cila është strategjia e komunës për zvogëlimin e papunësisë,problemet me ndotjen e ambientit,furnizimi dhe cilësia e ujit,menaxhimi i më i mirë i mbeturinave, mirëmbajtja e rrugëve, ishin disa nga shqetësimet e qytetarëve për kryetarin e komunës,i cili tha se të gjitha këto propozime janë në strategjitë e komunës për vitin e ardhshëm,duke theksuar në veçanti se problemin në zvogëlimin e papunësisë do të mundë ta zgjedhim vetëm duke stimuluar ndërrmarrsinë private sidomos në sektorin e bujqësisë dhe blegtorisë.
Zyra per Informim
