Hani i Elezit 22.11.2012
Kryetari i komunës Rufki Suma ,priti sot në takim pune z.Rudolf Dannecker anëtarë i bordit të drejtorëve të HELVETAS Swiss Intercooperation , z.Pascal Arnold ,bashkëkryesues i njësisë për Evropën Lindore si dhe z.Norbert Pijls Menagjer i projekteve të HELVETAS Swiss Intercooperation të Rajonit të Gjilan.
Takimi kishte karakter informues mbi zhvillimet në komunën e Hanit të Elezit me theks të veçantë për ndikimet e investimeve të HELVETAS Swiss Intercooperation .
Duke iu përgjigjur interesit të mysafirëve kryetari i komunës Rufki Suma tha se bashkëpunimi me LOGOSI-in për mua ka një simbolikë të veçantë ngase ishte marrëveshja e parë e mirëkuptimit të cilën e kam nënshkruar me një donatorë pas marrjes së detyrës si kryetarë komune në vitin 2010.
Tre vite pas mundë të them se kjo marrëveshje mirëkuptimi ishte e mbarë për komunën tonë nga se kemi pasur shumë zhvillime pozitive në të gjitha fushat e zhvillimit ekonomik.
Kemi pasur shumë donatorë që shfrytëzoj rastin të ju falënderojë, mirëpo te HELVETAS Swiss Intercooperation kemi gjetur një partner strategjik me të cilët jo vetë që kemi bashkëpunuar në fushat e investimeve të drejtpërdrejta por se ky bashkëpunim ka rezultuar edhe në identifikimin e kaheve për një zhvillim të qëndrueshëm të komunë sonë. I gjithë ky bashkëpunim ka prekur shumë fusha si në infrastrukturë,arsim,shërbime publike,këshillime e trajnime të rëndësishme për stafin e komunës sonë që si institucion i ri kemi pasur shumë nevojë tha z. Suma.
Duke e përgëzuar për këto arritje të komunës së Hanit të Elezit , z. Rudolf Dannecker tha se qëllimi i kësaj vizite është që të bëjmë një vlerësim të bashkëpunimit të HELVETAS Swiss Intercooperation me komunat partnere të projektit tonë. Neve herë pas here bëjmë edhe mbikëqyrjen e projekteve të realizuara për të vlerësuar se këto investime janë në përputhje me strategjitë tona të përkrahjes dhe zhvillimit të komunave tuaja si dhe të vlerësojmë se çfarë mundë të bëhet më tutje .Janë shumë inkurajuese përpjekjet e juaja për zhvillimin e komunës suaj , por ajo që do të theksoja në veçanti është se jo gjithmonë aspekti financiarë është vendimtarë,por është shumë e rëndësishme se ju me HELVETAS Swiss Intercooperation keni vendosur dialog të mirëfilltë për bashkëpunim tha z. Dannecke.
Në shenjë mirënjohje për bashkëpunimin shumë të suksesshëm te HELVETAS Swiss Intercooperation me komunën e Hanit të Elezit , kryetari Suma i dhuroi Emblemën e Komunës z.Dannecke duke iu falënderuar në emër të qytetarëve për përkrahjen e dhënë si komunës sonë ashtu edhe zhvillimit të përgjithshëm të vendit tonë.
Zyra për Informim
