Hani i Elezit 10.01.2013
Kryetari i komunës Rufki Suma zhvilloi një takim pune me zyrtarë nga OJQ“Iniciativa për Progres” INPO nga Ferizaj.
Drejtori Ekzekutiv i INPO-s z.Samir Reka, i shoqëruar nga z.Bekim Kupina, redaktorë në Koha Ditore dhe Alban Haliti Koordinatorë i Programeve të Inpo-s, fillimisht uruan kryetarin e Komunës Rufki Suma me rastin e rizgjedhjes së tij për mandatin e dytë në krye të ekzekutivit të Hanit të Elezit.
Ata vlerësuan lartë bashkëpunimin shumë të mirë ndërmjet INPO-s dhe komunës së Hanit të Elezit në periudhën e shkuar duke theksuar në veçanti gatishmërinë e komunës së Hanit të Elezit që të jetë bashkëpunuese dhe transparente me programet e INPO-s.
Për zyrtarët e INPO-s ishin në interes edhe zhvillimet në komunën e Hanit të Elezit pas përfundimit të procesit zgjedhorë si dhe perspektiva e avancimit të rolit dhe pozitës së gruas dhe të rinisë në proceset e zhvillimit dhe vendimmarrjes në komunën e Hanit të Elezit.
Duke falënderuar për vizitën, kryetari Suma tha se vlerëson me shumë respekt angazhimin e OJQ-ve e në këtë rast të INPO-s e cila për gati 4 vite ka monitoruar zhvillimet në komunën e Hanit të Elezit.
Ai me këtë rast falënderoi INPO-n për raportimet korrekte të cilat i ka bërë për zhvillimet në këtë komunë dhe shprehu zotimin dhe gatishmërinë e plotë se institucioni të cilin ai e drejton, do të vazhdojë që të jetë bashkëpunuese me të gjithë faktorët që mundë të kontribuojnë në zhvillimet pozitive.
Komuna e Hanit të Elezit do të trajtojë me seriozitet të plotë rolin e gruas dhe të rinisë në zhvillimet e ardhshme në komunën e Hanit të Elezit si mundësi dhe kapacitet që duhet shfrytëzuar, sidomos pas rezultateve të zgjedhjeve ku përbërja e kuvendit është 45% e gjinisë femërore dhe shumica e këshilltarë janë për nga mosha të rijë.
Ndërsa sa i përket zhvillimeve pas zgjedhjeve, kryetari Suma tha se komuna e Hanit të Elezit ka përfunduar me shumë sukses proceset konstituive dhe mundë të themi se është duke funksionuar me kapacitet të plotë.
Zyra për informim
