Hani i Elezit 30.05.2014
Kryetari i komunës Rufki Suma, priti sot në takim të përbashkët kandidatët për deputet të cilët do të garojnë në zgjedhjet parlamentare nga komuna e Hanit të Elezit.
Në takim ishin kandidatët nga subjektet politike të cilët kanë propozuar, Mirsad Shkreta nga Lëvizja Vetvendosje, Drita Curri nga Aleanca për Ardhmërinë e Kosovës, Fevzije Berisha nga Partia Demokratike e Kosovës dhe Feim Brava nga Lidhje Demokratike e Kosovës.
Kryetari Suma, fillimisht uroi të gjithë kandidatët për vendimin e tyre që të garojnë në zgjedhjet parlamentare duke theksuar se për komunën e Hanit të Elezit do të ishte e mirëseardhur që ndonjë nga kandidatët të arrijë që të merr mandatin dhe të jetë zë i përbashkët në institucionin më të lartë të Kosovës, në Kuvendin e Kosovës.
Kryetari i komunës Rufki Suma edhe një herë theksoi pozicionin e tij të pavarur kundrejt partive politike dhe se nuk do të ndikojë në përcaktimin e qytetarëve, mirëpo ai deklaroi se zgjedhjet parlamentare janë në interes të veçantë dhe pjesëmarrja sa më e madhe e qytetarëve të komunës së Hanit të Elezit do të ishte në interes të një procesi të mirëfillt politik e demokratik. Ai tha se do të jetë apel i tij personal te të gjith qytetarët e Komunës së Hanit të Elezit që të dalin në numër sa më të madhë në këto zgjedhje dhe të votojnë lirshëm sipas bindjeve të tyre politike dhe në këtë drejtim kryetari Suma kërkoi edhe nga kandidatët që të kontribojnë për një atmosfere korekte.
Ai e vlerësoi lartë fillimin e fushatës zgjedhore në komunën e Hanit të Elezit e cila karakterizohet me një atmosfere të mirë dhe bëri apel te kandidatët që të kontribojnë që ky process të përfundojë në mënyrën ma të mirë të mundëshme dhe të respektohet vullneti i qytetarëve në këto zgjedhje
Zyra për Informim
