Kryetari i komunës Rufki Suma priti sot në takim anëtarët e Këshillit qëndrorë për mbrojtjen e të drejtave të punëtorëve dhei shoqërisë aksionare (KQMDPSHA) të ish kombinatit “Sharr” me seli në Han të Elezit.
Takimi është realizuar me kërkesën e sindikalistëve të cilët nga kryetari Suma dhe nga Asambleja Komunale kërkojnë që të ju ndihmohet në zbardhjen e shitjes ilegale të ish kombinatit “Sharri” i përbërë nga 4 njësitë punuese Cimentores, Sallonitit, Lepencit dhe Silkaporit.Sipas tyre shitje e këtyre njësive është shitje ilegale ndërsa për dëshmi ata iu referuan disa aktvendimeve të cilat i posedojnë.
Ata në takim kërkuan nga kryetari Suma që të ushtrojë autoritetin e tij politik si kryetarë i komunës dhe të siguronë mundësinë për takime me zyrtarët më të lartrë të vendit që këto argument të ju prezentohen edhe atyre.
Ndërsa kryetari Suma edhe një here para anëtarëve të Këshillit qëndrorë për mbrojtjen e të drejtave të punëtorëve dhe i shoqërisë aksionare, deklaroi pozicionin e tij në lidhje me procesin e privatizimit të Fabrikës së Cimentos “Sharri” nga Hani i Elezit.
Ai i njoftoi ata me të gjitha hapat institucional të cilat i ka marrë në cilësi të kryetarit të komunës.
Takimi i kryetarit Suma me anëtarët e Këshillit qëndrorë për mbrojtjen e të drejtave të punëtorëve dhe i shoqërisë aksionare (KQMDPSHA), është realizuar pas takimit të njejtë të cilët sindikalistët e kishin realizuar edhe me kryetarin e komunës së Kaçanikut z.Besim Ilazin.
Nga takimi doli edhe pajtimi që Kryetari i komunës së Hanit të Elezit z.Rufki Suma dhe Kryetari i komunës së Kaçanikut z.Besim Ilazi së bashku me një delegacion nga anëtarët e Këshillit qëndrorë për mbrojtjen e të drejtave të punëtorëve dhe i shoqërisë aksionare (KQMDPSHA) të realizojnë takime me zyrtarët më të lartë të vendit .
