Me qëllim që të informoj mbi të gjitha zhvillimet dhe planet e ekzekutivit, kryetari i komunës Rufki Suma mbajti një takim me administratorët e fshatrave të komunës së Hanit të Elezit.
Në takim ku prezantuan të gjithë administratorët e fshatrave dhe të lagjeve të komunës së Hanit të Elezit, z.Suma tha se komuna e Hanit të Elezit për vitin 2012 ka planifikuar një varg të projekteve shumë të rëndësishme me të cilat synohet që të përmirësohet gjendja e përgjithshme ekonomike dhe sociale në komunën tonë. Gjatë vitit 2011 në shumë debate dhe takime me ju dhe qytetarët janë identifikuar shumë projekte të cilat i kemi vendosur në planet për investime për këtë vit.
Dua të ju njoftoj se janë gjasat e mira që shumë nga këto projekte të jetësohen ,duke u mbështetur në buxhetin e komunës, në mirëkuptim nga Qeveria e Kosovës përmes Ministrive përkatëse por edhe nga donatorët e ndryshëm si Komisioni Evropian , LOGOS-si , CARITA-si,USAID-i,UN- HABITAT-i,CDF-ja, SHARRCEM-i ,e të tjerë, të cilët janë zotuar se do të përkrahin komunën tonë në realizimin e këtyre projekteve. Duke i numëruar të gjitha projektet që priten te implementohen z.Suma kërkoi nga administratorët që të përcjellin këto informata te bashkëqytetarët në mënyrë që të gjth të bëhemi pjesë aktive e këtyre zhvillimeve dhe bashkërisht të kontribuojmë në përfundimin me sukses të tyre.
Kryetari i komunës Rufki Suma shfrytëzoi takimin që të njoftoj administratorët edhe për gjendjen e përgjithshme politike dhe të sigurisë në komunë ,duke e vlerësuar atë shumë të mirë .
Këtij takimi i kontribuan edhe pjesëmarrësit me komentet dhe propozimet e tyre ,duke theksuar se do të ishte sukses i madh nëse do të mundë të realizohen këto projekte duke mirëprit këtë formë të takimit dhe informimit .
Zyra për informim
