Hani i Elezit 05.08.2013
Kryetari i Komunës së Hanit të Elezit, Rufki Suma, me rastin e muajit të madhërishëm të Ramazanit, shtroi një iftarë për familjet e dëshmorëve dhe përfaqësuesit e Bashkësisë Islame të Kosovës, Këshillit të Bashkësisë Islame të Kaçanikut dhe të Hanit të Elezit.
Duke i përshëndetur të pranishmit kryetari Rufki Suma tha se muaji i Ramazanit është muaj kur përkujtojmë të gjithë të afërmit tanë, por është moment kur përkujtojmë edhe të gjith ata që sakrifikuan më të dashurit e tyre, familjet e dëshmorëve.Ftesa për iftarë për familjet e dëshmorëve tashmë është tradicionale, dhe këtë vit me prezencën e tyre na nderuan edhe përfaqësuesit e BI-së së Kosovës, KBI-së nga Kaçaniku dhe Hanit të Elezit tha z.Suma
Bashkësia Islame e Kosovës me plot kënaqësi pranoi ftesën që të marrë pjesë në iftarin të cilin e shtroi kryetari i komunës së Hanit tëElezit, tha prof. Fahrush Rexhepi në fjalën përshëndetëse të tij . Profesor Rexhepi njëherit tregoi qëndrimin e BIK-ut për përkushtimin që ka për popullin e Kosovës, mes tjerash ai tha se BIK-u ka qenë aktive në kohën e luftës dhe ka dhënë maksimumin për çlirimin e Kosovës por ajo përsëri mbetet aktive dhe përkrah institucionet e Kosovës drejt proceseve të integrimeve. Ai theksoi se BIK-u përkrah partit politike të cilat punojn në të mirë të vendit dhe se Bashkësia Islame e Kosovës nuk favorizon asnjë parti politike. Ai tha se BIK-u si institucioni më i lartë fetar me 95% te komunitetit musliman në vendin tonë do të vazhdoj të luftoj çdo të keqe që prish imazhin e shqiptarëve dhe shkatrron vlerat e dëshmorëve të cilët dhanë më të shtrejtën e tyre për Kosovën.
Muhamet Suma kryetar i KBI në Han të Elezit falënderoi kryetarin e Komunës Rufki Suma për iftarin e shtruar për bashkësin islame ku të ftuar ishin të gjithë hoxhallarët e Hanit të Elezit. Ai gjithashtu falënderoi pjesmarrësit e Kryesis së bashkësis islame të Kosovës në këtë iftar prof Fahrush Rexhepi, Prof Ahmet Sadriu, prof Rexhep Luma dhe prof Rexhep Suma, gjithashtu përshëndeti the familjet e dëshmorëve pjesmarrës në ketë iftar.
Zyra për Informim
